Հայաստանում ընդլայնվող հեղափոխական զոմբիզմը այլևս չի ճանաչում տարածություն ու սահման. հերթը հասել է աշխարհահռչակ ֆուտբոլիստ Հենրիկ Մխիթարյանին ու նրա մորը` Մարինա Թաշչյանին:
Ինքանհռչակ հեղափոխականների զոմբիացված բանակը սոցիալական ցանցերում վիրտուալ հարձակում է կազմակերպել ֆուտբոլիստի մոր նկատմամբ, լկտիաբար վիրավորել ու պիտակավորել նրան: Պատճառը Հայաստանի ֆուտբոլի ֆեդերացիայի նախագահի սկանդալային ընտրությունն էր: ՀՖՖ նախագահի ընտրությունն անցել է մամուլի աշխատանքի սահմանափակումներով, ֆեդերացիան հրաժարվում էր հավատարմագրել ֆուտբոլային երկարամյա մեկնաբան Սուրեն Բաղդասարյանին: Աշխարհահռչակ ֆուտբոլիստ Հենրիկ Մխիթարյանի մայրը՝ Մարինա Թաշչյանը, գործկոմի կազմում չի ընդգրկվել, այն դեպքում, երբ նա արդեն ավելի քան 4 տասնամյակ ֆեդերացիայի ներկայացուցիչ է, նաև լեգենդար ֆուտբոլիստ Համլետ Մխիթարյանի այրին:
Լրագրողների հետ զրույցում տիկին Մարինա Թաշչյանը քննադատական գնահատականներ է հնչեցրել ՀՖՖ նախագահի ընտրության կապակցությամբ՝ այն անվանելով խայտառակ և ուղղորդված գործընթաց: Դրանից հետո սոցցանցերում խայտառակ գրոհ սկսվեց. Մարինա Թաշչյանի հասցեին վիրավորական բառեր և արտահայտություններ հնչեցին` նրան մեղադրելով իշխանության դեմ դուրս գալու համար: Մարինա Թաշչյանը լրատվամիջոցների հետ զրույցում չի բացառել, որ Հենրիկ Մխիթարյանը կհրաժարվի խաղալ Հայաստանի հավաքականում: «Որոշումը թող ինքը կայացնի, նա խաղում է ազգի համար։ Ինքն արդեն թող որոշի, եթե իր մորը վիրավորել են, կշարունակի, թե ոչ»: Եթե իշխանության տկարամիտ կողմնակիցների անունից Նիկոլ Փաշինյանը անհապաղ ներողություն չխնդրի Հենրիկ Մխիթարյանից ու նրա մորից, և Հենրիկն էլ հանկարծ իսկապես հեռանա ազգային հավաքականից, դա կլինի մեծագույն խայտառակություն Հայաստանի ֆուտբոլի պատմության մեջ: Աշխարհի ցանկացած պետություն, ցանկացած ժողովուրդ կերազեր Հենրիկ Մխիթարյանի մակարդակի ֆուտբոլիստ ունենալ: Իսկ Հենրիկը ոչ միայն լավ ֆուտբոլիստ է, այլև շատ լավ ՀՀ քաղաքացի և հայ: Նա ամենամեծ համաշխարհային ճանաչում ունեցող ՀՀ քաղաքացին է, ով միայնակ անում է մի ամբողջ դիվանագիտական կորպուսի գործ, ընդ որում միանգամայն անվճար: Ի դեպ, անցյալ տարի հեղափոխական իշխանությունները Հենրիկ Մխիթարյանին զրկել են ՀՀ դիվանագիտական անձնագրից: Իրականում Հենրիկ Մխիթարյանին Հայաստանի ֆուտբոլի ֆեդերացիան ու հավաքականը ոչինչ չեն տալիս, մինչդեռ Հենրիկի անունն ու պրոֆեսիոնալ նշաձողը շատ մեծ բան է տալիս ՀՖՖ-ին: Եթե 21-րդ դարում հայ ժողովուրդը ունենալու է լեգենդներ, ապա դրանց մեկն ու վստահաբար առաջինը Հենրիկ Մխիթարյանն է լինելու: Պարո'ն Փաշինյան, բացատրեք ձեր զոմբիներին ու ֆեյքերին, որ սա սևերի ու սպիտակների կռիվ չէ. սևը դուք եք, իսկ Հենրիխ Մխիթարյանը կենդանի լեգենդ է:
Հայկ Դավթյան
Հ.Գ. Նիկոլ Փաշինյանը 2018-ի հեղափոխության ժամանակ հրապարակի հարթակից վանկարկում էր Հենրիկ Մխիթարյանի անունը և խնդրում էր, որ Մխիթարյանը գա Հայաստան ու կանգնի իրենց կողքին:
Հունվարի 30-ին՝ ժամը 14։00-ին, Հայելի ակումբի հյուրն է Զարուհի Փոստանջյանը
Հունվարի 30-ին՝ ժամը 16։00-ին, Հայելի ակումբի հյուրն է Նարեկ Մանթաշյանը
Հունվարի 30-ին՝ ժամը 13։00-ին, Հայելի ակումբի հյուրն է Գառնիկ Դանիելյանը
Հունվարի 30-ին՝ ժամը 12։00-ին, Հայելի ակումբի հյուրն է Վոլոդյա Հովհանիսյանը
Հունվարի 29-ին՝ ժամը 14։00-ին, Հայելի ակումբի հյուրն է «Համահայկական ճակատ» շարժման անդամ Ռուզան Ստեփանյանը
Հունվարի 29-ին՝ ժամը 12։00-ին, Հայելի ակումբի հյուրն է արցախցի հասարակական-քաղաքական գործիչ Անաստաս Իսրայելյանը
Հունվարի 29-ին՝ ժամը 11։00-ին, Հայելի ակումբի հյուրն է ՀՀ ԶՈՒ պահեստազորի փոխգնդապետ Տիգրան Չոբանյանը
ԶԼՄ-ներին և «Իմնեմնիմի»-ի աջակիցներին հունվարի 29-ին` ժամը 16:00-ին հրավիրում ենք աջակցելու, Երևան քաղաքի քրեական դատարանի Ավանի նստավայրում (հասցե՝ Գյուլիքևխվյան 20), ապօրինի կալանավորված Նարեկ Սամսոնյանին և Վազգեն Սաղաթելյանին
Հունվարի 28-ին՝ ժամը 15։30-ին, Հայելի ակումբի հյուրն է Նարե Սոսեն
Հունվարի 28-ին՝ ժամը 16։00-ին, Հայելի ակումբի հյուրն է Սեյրան Չիլինգարյանը
Հետևեք մեզ Viber-ում
