Վրաստանի արտաքին առևտրի շրջանառությունը նվազել է

Sputnik լրատվական գործակալության փոխանցմամբ՝ 2015 թվականին Վրաստանի արտաքին առևտրի շրջանառությունը կազմել է 9.93 միլիարդ դոլար, որը 13 տոկոսով զիջում է 2014 թվականի ցուցանիշը՝ համաձայն Վրաստանի Ազգային վիճակագրական ծառայության նախնական տվյալների։ 2015 թվականին վրացական արտահանումը կազմել է 2.2 միլիարդ դոլար, որը 23 տոկոսով զիջում է 2014 թվականի ցուցանիշը։ Նախորդ տարի ներկրումը կազմել է 7.72 միլիարդ դոլար, որը 10 տոկոսով պակաս է՝ համեմատած 2014 թվականի ցուցանիշի հետ։ Նախորդ տարի Վրաստանի առևտային բացասական հաշվեկշիռը կազմում է 5.52 միլիարդ դոլար, որը կազմում է ողջ ապրանքաշրջանառության 56 տոկոսը։