Ով է լինելու Նիկոլ Փաշինյանի հաջորդ «զոհը»

Ոստիկանության ծառայողները օրերս Չեխիայից Հայաստան տեղափոխեցին Նարեկ Սարգսյանին` ՀՀ երրորդ նախագահ Սերժ Սարգսյանի եղբորորդուն: Նարեկ Սարգսյանը շուրջ մեկ տարի է գտնվում էր հետախուզման մեջ: Նրա վերադարձը հայրենիք առանձնակի ցնծությամբ դիմավորեցին պողոսները ու ստվերվեցին բազում անցանկալի խոսակցություններ, որոնց պատճառով իշխանությանը վերջին ժամանակներում աջուձախ քննադատում էին: Սկսած Մարիամ Փաշինյանի ավտոմեքենայի պատմությունը, վերջացրած Աննա Հակոբյանի տարեկան 40 հազար դոլարանոց մեյքափի ու վարսահարդարման ծախսերը, որոնք էլի արվում են պետական բյուջեցին: Սրան գումարած ընդդեմ աննահակոբյանական արշավը, որը ոչ պակաս մարտահրավեր էր որոշակի շրջանակների համար: Հիմա, այսպիսի աժիոտաժային վիճակում, երբ իշխանությունների անբովանդակ որոշումներն ու քայլերը դառնում են անգամ պողոսների վրդովմունքի պատճառ, հանկարծ հայտնի է դառնում է, որ Հայաստան է վերադարձվում Ֆրանկլին Գոնսալեսին: Նիկոլ Փաշինյանի բոլոր գործողությունները վերջին 1.5 տարիների ընթացքում մեկ բան են հուշում, որ ներկայիս վարչապետը օրվա կուրսով է շարժվում և ,բնականաբար, իր բոլոր քայլերը այսրոպեական նպատակներ են հետապնդում:
Նիկոլ Փաշինյանը մի քանի տասնյակի հասնող մի այդպիսի ցանկ ունի՝ պոտենցիալ <<զոհեր>>, երբ իրավիճակը թելադրում է, նա մատը դնում է որեւէ մեկի վրա եւ նրա պատմությամբ մեծ տեսարան սարքում: Երբ հացը չկա, առնվազն պարտադիր է տեսարանի ցուցադրությունը: Հիմա Ֆրանկլին Գոնսալեսին Հհայաստան բերելու առիթն, անշուշտ, Նիկոլ Փաշինյանի ընտանեկան թանկ կյանքի գաղտնազերծումից առաջացած շոկը թուլացնելն էր, ինչպես նաեւ տիկնոջ աղմկոտ հայտարարությունները, բդի, տոլմայի ու բլինչիկի, ավելի ճիշտ դրանք մերժելու մասին: Փաշինյանը պարտավոր էր նոր բդեր, բլինչիկներ ու տոլմաներ օրակարգ բերել, ասենք ինչ պակաս բդային աղմուկ հանեց Գոնսալեսի վերադարձը: Մի քանի շաբաթ էլ հանրությունը կզբաղվի այս թեմայով, հետո ՀՀ վարչապետը հանգիստ կթողնի այդ մարդկանց, ինչպես անում է գրեթե բոլորի դեպքում:
Գոնսալեսից հետո թե ով է լինելու հաջորդը, դա կախված է միայն Նիկոլ Փաշինյանի տրամադրությունից եւ այն իրավիճակից, որը կթելադրի նոր շոուներ ու տեսարաններ: Որքան մեծ լինի իշխանության դեմ ինքնագեներացած աղմուկը, այնքան պետք է <<խոշոր ձկների>> օրակարգ բերել:

Հ.Գ-Նարեկ Սարգսյանը ձերբակալվել է անցած տարի դեկտեմբերին Պրահայում՝ Ինտերպոլի և չեխական ոստիկանության աշխատակիցների կողմից: Իրավապահներին նա ներկայացել էր Գվատեմալայի քաղաքացի Ֆրանկլին Գոնսալեսի անունով և կեղծ անձնագրով։
ՀՀ երրորդ նախագահի եղբորորդին Հայաստանում մեղադրվում է թմրանյութերի ապօրինի շրջանառության և անօրինական զենք պահելու համար:

Անի Սահակյան