Առաջին հայհոյողն եղել է Փաշինյանը, «Հայկական ժամանակ» օրաթերթում.Հակոբ Ավետիքյան (video)
Եթե մարդ ատելավառ հոգի ունի, նրան պատժելով՝ չի ստացվի զսպել: Այս մասին Անժելա Թովմասյանի՝ «Արմնյուզ» ՀԸ հեռարձակվող հեղինակային «Հայելու առաջ» հաղորդաշարի ժամանակ ասել է «ԱԶԳ» թերթի գլխավոր խմբագիր Հակոբ Ավետիքյանը՝ անդրադառնալով ԱԺ «Մարդու իրավունքների պաշտպանության» հանձնաժողովի կողմից կազմակերպված «Ատելության խոսքի դեմ ՀՀ օրենսդրության բարեփոխման շուրջ» քննարկմանը: Հակոբ Ավետիքյանի դիտարկմամբ՝ մարդկանց համար պարզապես պետք է օրինակ լինել, որպեսզի ատելության խոսքը չտարածվի, իսկ օրինակներ կարող են լինեն պետական ու քաղաքական գործիչները:
Հարցին՝ ՀՀ վարչապետ Նիկոլ Փաշինյանի կողմից ոչ միանշանակ ընդունվող բառապաշարը, մասնավորապես՝ «պատերին ծեփել», «ասֆալտին փռել» արտահայտություններն արդյոք չե՞ն համարվում ատելության խոսքի տարածման ձևեր, Հակոբ Ավետիքյանը պատասխանել է՝ վարչապետի խոսքերը վարակիչ են. «Քաղաքական լեքսիկոնը, պետական մարդու զսպվածությունն այսօր մոմով պետք է փնտրել, դրա համար էլ ասում եմ՝ օրենքներով նման հարցերը չեն կարգավորվի, այն պարզապես կօգտագործվի ոմանց դեմ»:
Ըստ Ավետիքյանի՝ Նիկոլ Փաշինյանը գրեթե ամեն օր սպառնալից, հայհոյախառն արտահայտություններ է թույլ տալիս. «Գիտե՞ք՝ Նիկոլ Փաշինյանի առաջին հայհոյանքները ես հանդիպել եմ դեռևս այն ժամանակ, երբ նա դեռ «Հայկական Ժամանակ» օրաթերթի գլխավոր խմբագիրն էր»:
Հետևեք մեզ Viber-ում
