Մավրն արել է իր գործը, Մավրը պիտի հեռանա

Մոտ քսան օր է, որ ՀՀ գլխավոր դատախազության դիմաց մի խումբ իրավապաշտպաններ պահանջում են ՀՀ գլխավոր դատախազ Արթուր Դավթյանի հրաժարականը: Խումբը ղեկավարում է Մարինա Պետրոսյանը:
Նրանք հիշեցնում են Դդավթյանի երբեմնի քննադատ Նիկոլ Փաշինյանին, որ հենց նրա ուսերին է ծանրացած Հաց բերողի մահը, տասնյակ հանցագործությունների կոծկումը, ինչպես նաեւ Հայաստանից փախուստի դիմած նախկին պաշտոնյաներին էլ իբրեւ Դավթյանն է ինֆորմացիա տրամադրել, որպեսզի ապահով փախուստի դիմեն: Վերջին օրերին շեշտակի փոխվել է դատախազի հրաժարականը պահանջող խմբի շեշտադրումները: Նրանք հայտարարում են, որ Արթուր Դավթյանը Մարտի 1-ի գործում բազմաթիվ բացթողումներ է թույլ տվել, որը կարող է անցանկալի հետեւանքներ ունենալ, այսինքն դառնալ երկրորդ նախագահ Ռռոբերտ Քոչարյանի ազատության պատճառ:
Եթե դատախազի դեմ պայքարը անձնավորված չէ, ապա կարելի է փաստել, որ Արթուր Դավթյանի գլխին, հիրավի, մութ անպեր են կուտակվել: Հաշվի առնելով, որ նրա հրաժարական պահանջող խումբը որեւէ կերպ չի թիրախավորում իշխանությանը՝ Դավթյանի համար ապահով հովանի դառնալու համար, ապա կարող ենք ասել, որ գործընթացն ինքնին տեղավորվում է իշխանական տրամադրությունների համատեքստում:
Կարծես թե հող է նախապատրաստվում Ռոբերտ Քոչարյանի հնարավոր ազատման համար: Մի կողմից ՄԻԵԴ-ից սպասվող որոշումը, մյուս կողմից՝ Ռուսաստանի բազմաթիվ խիստ նկատողությունները, Նիկոլ Փաշինյանը հասկանում է, որ Ռոբերտ Քոչարյանին կալանքի տակ պահելու քիչ ռեսուրս է մնացել եւ ինչ-որ պահից դրա անհնարինության հարցն է առաջ գալու: Իհարկե, այդ իրավիճակում Փաշինյանը հավատարիմ իր ոճին ի լուր աշխարհի ժողովրդավարության իմիտացիա կբեմադրի, կհայտարարի, որ ինքն ունի զրո ազդեցություն դատաիրավական ոլորտի նկատմամբ, որ այլեւս զանգովի արդարադատություն չի իրականացվում, բայց Արթուր Դավթյանին <<զոհաբերելով>> իշխանական քարոզչամեքենան նրա վրա կջարդի կատարվածի ողջ պատասխանատվությունը:

Այնպես որ քաղաքականության մեջ պատահականություններ գրեթե չեն լինում: Հեղափոխությունից անմիջապես հետո էլ որոշ խմբեր նույն պահանջով բողոքի ակցիաներ արեցին, հետո ընթացք չտրվեցին այդ ակցիաներին՝ միգուցե այն պատճառով, որ այն ծառայեց իր նպատակին եւ արդյունքը եղավ այն, որ Արթուր Դավթյանը խոնարհ հարսի պես կատարում է Փաշինյանը բոլոր ցանկությունները,: Հիմա ինչպես ասում են՝ մավրն իր գործն արել է, մավրը պիտի հեռանա:

Անի Սահակյան