Միայնակ ապրող 63 տարեցներ 2020 թվականի հունվարի 1-ից կոմունալ վճարների մասին այլևս չեն մտահոգվի․ ՀՀ աշխատանքի և սոցիալական հարցերի նախարարությունը փոխհատուցման մասին որոշում է կայացրել։ Այդ մասին տարեվերջյան ամփոփիչ մամլո ասուլիսում տեղեկացրել է նախարար Զարուհի Բաթոյանը։ Բացի այդ` ՀՀ աշխատանքի և սոցիալական հարցերի և ՀՀ կրթության, գիտության, մշակույթի և սպորտի նախարարությունների միջև առաջիկայում կստորագրվի համատեղ հուշագիր՝ համաձայն որի` 2020 թվականի հունվարի կեսից հաշմանդամություն ունեցող անձինք և տարեցները հնարավորություն կստանան անվճար այցելել պետական մշակութային կենտրոններ: «Տարվա ընթացքում նրանք կարող են դիտել օրինակ՝ 48 ներկայացում, ամսվա ընթացքում գրեթե 2 անգամ հաճախել թանգարաններ: Նախկինում նմանատիպ համաձայնագիր ստորագրվել էր ՀՀ մշակույթի նախարարության հետ, սակայն տեխնիկական խնդիրներ կային, տոմսերի տրամադրման, հավաքագրման, բաժանելու պայման կար: Այժմ նման բան չի լինելու»,- ասել է Բաթոյանը՝ նշելով, որ ըստ այդմ, միայն անձնագիրը կամ հաշմանդամությունը հաստատող փաստաթուղթը ցույց տալով, անձը կարողանալու է մշակութային հաստատություն մուտք գործել: Անշուշտ, դրական նախաձեռնություն է, բայց ամբողջ խնդիրն այն է, թե ինչու է կոմունալ վճարների հատուցում տրվում ընդամենը 63 տարեցի: Ամբողջ հանրապետության տարածքում միայնակ տարեցների թիվը վստահաբար 63-ից ավելի մեծ է: Ինչ սկզբուքնով էլ որ ընտրրված լինեն նշված տարեցները, միևնույնն է` դա սոցիալական խնդրի լուծում, հետևաբար նաև արդյունավետ սոցիալական քաղաքականություն չի նշանակում: Սոցիալական քաղաքականության առաջընթացի մասին հնարավոր կլիներ խոսել, եթե սոցիալական այդ խնդիրը ստանար համապարփակ և հիմնավոր լուծում բոլոր միայնակ տարեցների համար: Համեմատության համար նշենք, որ, օրինակ, մեր հարևան Վրաստանում բոլոր միայնակ թոշակառուները կոմունալ վճարների 50 տոկոս զեղչ են ստանում ամբողջ տարվա համար: Բացի այդ` նրանք ստանում են նաև հատուկ քարտեր, որով որոշակի խանութներից որոշակի գումարի չափով կարող են սնունդ և առաջնային նշանակության այլ ապրանքներ գնել: Բացի այդ` բոլոր թոշակառուները` անկախ սոցիալական կարգավիճակից, ունեն առողջապահական ապահովագրություն, որը ներառում է ինչպես առաջնային բուժօգնության օղակը, այնպես էլ հիվանդանոցային ծառայությունները: Հայաստանում ևս կարող է նման հաշվարկ արվել և որպես սոցիալական քաղաքականություն` ինչ-որ միասնական լուծումներ առաջարկվել: Այլապես 63 հոգու կոմունալ վճար հատուցելով և հաշմանդամներին կինո և թատրոն տանելով` սոցիալական արդյուանվետ քաղաքականության մասին խոսելն անտրամաբանական է:
Հունվարի 30-ին՝ ժամը 14։00-ին, Հայելի ակումբի հյուրն է Զարուհի Փոստանջյանը
Հունվարի 30-ին՝ ժամը 16։00-ին, Հայելի ակումբի հյուրն է Նարեկ Մանթաշյանը
Հունվարի 30-ին՝ ժամը 13։00-ին, Հայելի ակումբի հյուրն է Գառնիկ Դանիելյանը
Հունվարի 30-ին՝ ժամը 12։00-ին, Հայելի ակումբի հյուրն է Վոլոդյա Հովհանիսյանը
Հունվարի 29-ին՝ ժամը 14։00-ին, Հայելի ակումբի հյուրն է «Համահայկական ճակատ» շարժման անդամ Ռուզան Ստեփանյանը
Հունվարի 29-ին՝ ժամը 12։00-ին, Հայելի ակումբի հյուրն է արցախցի հասարակական-քաղաքական գործիչ Անաստաս Իսրայելյանը
Հունվարի 29-ին՝ ժամը 11։00-ին, Հայելի ակումբի հյուրն է ՀՀ ԶՈՒ պահեստազորի փոխգնդապետ Տիգրան Չոբանյանը
ԶԼՄ-ներին և «Իմնեմնիմի»-ի աջակիցներին հունվարի 29-ին` ժամը 16:00-ին հրավիրում ենք աջակցելու, Երևան քաղաքի քրեական դատարանի Ավանի նստավայրում (հասցե՝ Գյուլիքևխվյան 20), ապօրինի կալանավորված Նարեկ Սամսոնյանին և Վազգեն Սաղաթելյանին
Հունվարի 28-ին՝ ժամը 15։30-ին, Հայելի ակումբի հյուրն է Նարե Սոսեն
Հունվարի 28-ին՝ ժամը 16։00-ին, Հայելի ակումբի հյուրն է Սեյրան Չիլինգարյանը
Հետևեք մեզ Viber-ում
