Սիրիայից արձակված հրթիռը պայթել է Թուրքիայի տարածքում

Սիրիայի կողմից արձակված երկու հրթիռներ պայթել են թուրքական Քիլիս քաղաքի կենտրոնում: Դրա հետևանքով բազմաթիվ տներ ու մեքենաներ են վնասվել, վիրավորվել է 4 մարդ. հայտնում է «Հուրրիյեթ» թերթի կայքը: «Իսլամական պետություն» ահաբեկչական խմբավորման վերահսկողության տակ գտնվող սիրիական Բաբ շրջանից արձակված հրթիռներից մեկն ընկել է ավտոկայանատեղիում: Դրան պայթյունից վնասվել է 8 մեքենա, ինչպես նաև շրջակայքում գտնվող տներն ու այլ շինություններ: Երկրորդ պայթյունը տեղի է ունեցել փողոցում: Դրա պայթյունից վնասվել է հարակից տունը, վիրավորվել է 4 մարդ: Նրանք տեղափոխվել են հիվանդանոց: Վիրավորների վիճակը գնահատվում է բավարար: