Լաթաքիայում «լռության ռեժիմը» կշարունակվի

Դամասկոսի արևելյան հատվածում դադարեցվել «լռության ռեժիմը», քանի որ սպառվել է 24 ժամը: Այս մասին գրում է ria.ru-ն: Սիրիայի զինված ուժերի գլխավոր շտաբը ուրբաթ առավոտյան հայտարարել էր, որ «լռության ռեժիմը» Դամասկոսի արվարձանում ուժի մեջ կմտնի ապրիլի 30-ին՝ ժամը 00.00-ին, և կտևի 24 ժամ, իսկ Լաթաքիայում և նրա հյուսիսային արվարձաններում՝ 72 ժամ: Լաթաքիայում, պայմանավորվածության համաձայն, «լռության ռեժիմը» կշարունակվի ևս 48 ժամ: Աշխարհազորայինների ներկայացուցիչները շաբաթ առավոտյան տեղեկացրել են, որ կողմերը պահպանում են «լռության ռեժիմը» ինչպես Դամասկոսում, այնպես էլ Լաթաքիայում: Օրվա ընթացքում սիրիական բանակի հրամանատարության կողմից, սակայն, պաշտոնական գնահատականներ չեն հրապարակվել: