Ծառուկյանն ի՞նչ պակաս Սամվել Ալեքսանյան է

ԲՀԿ առաջնորդ և խոշոր սեփականատեր Գագիկ Ծառուկյանի և Հայաստանի հեղափոխական իշխանությունների ջրերը վերջերս մի առվով չեն հոսում: Ծառուկյանըև պնդում է, որ Երևանի քաղաքապետն ու գլխավոր ճարտարապետը տապալել են խոշոր օտարերկրյա ներդրումային ծրագրերը, որը պատրաստվում էին անել Աբու-Դաբուի թագաժառանգի ներկայացուցիչները: Քաղաքապետարանն էլ պնդում է, թե իրենք կենտրանում ազատ հող չեն ունեցել, բայց որևէ ծրագիր չեն մերժել: Ծառուկյանը այլ փաստեր ևս ներկայացնում է` պնդելով, որ Հայաստանում ներդրումային հարմար միջավայր չկա և ընդհանրապես պայմաններն այնպիսին են, որ ներդրումներին չեն գրավում: Անձամբ Ծառուկյանին պատկանող հյուրանոցի շինարարությունը ևս կասեցված է` էլի քաղաքապետարանի հետ լեզու չգտնելու պատճառով: Մի հարցում Ծառուկյանն հաստատ ճիշտ է. եթե ներդրումային ընտիր միջավայրի մասին իշխանության ճառերը ճշմարտացի լիներին, պետք է որ ներդրումների աճ տեղի ունենար: Միմչդեռ առայժմ ճիշտ հակառակ պատկեր է` ներդրումներ պարզապես չկան: Հետևաբար, անկախ նրանից, Ծառուկյանի հրավերով Հայաստան այցելած արաբները ովքեր էին, պետք էր անել ամեն ինչ, որ այս մարդիկ իրենց ծրագիրն իրագործեին և փող բերեին Հայաստան: Փաստացի, այս մարդկանց առաջարկը մերժվել է և որևէ ընդունելի այլընտրանք չի առաջարկվել: Եվ սա այն դեպքում, երբ Նիկոլ Փաշինյանն անընդհատ խոսում է տնտեսական հեղափոխության մասին: Առանց փողի տնտեսական հեղափոխություն, իհարկե, չի լինի և այս պարզ ճշմարտությունը թերևս հասկանում են նաև Փաշինյանն ու իր թիմը: Այդ դեպքոււմ ինչու՞ են կասեցվել Ծառուկյանի մտերիմների և անձամբ իր ներդրումայի ծրագրերը: Ինչու՞, օրինակ, Սամվել Ալեքսանյանի բիզնեսները իշխանության համար դարձան թանկ ու կարևոր, իսկ այ Ծառուկյանի դեպքում խնդիրներ են առաջանում: Ի վերջո, Ծառուկյանն ի՞նչ պակաս Սամվել Ալեքսանյան է: Թերևս պատճառներից գլխավորն այն է, որ Սամվել Ալեքսանյանն, ի տարբերություն Գագիկ Ծառուկյանի, իշխանության համար քաղաքական վտանգ չի ներկայացնում: Ներկա իրավիճակում, եթե Ծառուկյանին հաջողվի Հայաստանի համար ներդրումային լուրջ ծրագրեր ապահովել, ապա կստացվի որ տնտեսակա հեղափոխությունը Նիկոլ Փաշինյանի փոխարեն իրագործում է Գագիկ Ծառուկյանը: Քաղաքական առումով դա կբարձրացնի ԲՀԿ առաջնորդի վարկանիշը, իսկ Նիկոլ Փաշինյանի միակ առաջնահերթությունն այս պահին սեփական վարկանիշը պահելն է:

Հայկ Դավթյան