«Իմքայլական» պատգամավորը Ծառուկյանին մեղադրու՞մ է «ֆեյք» արաբ շեյխեր պահելու մեջ. Լուսանկար

11:20 - 4/դեկտեմբերի/2019

Երեկվանից համացանցում լայնորեն քննարկվում է «Բարգավաճ Հայաստան» կուսակցության առաջնորդ Գագիկ Ծառուկյանի հայտարարությունն այն մասին, որ իր միջնորդությամբ Հայաստան եկած Աբու-Դաբիի թագաժառանգ շեյխ Սուլթան Բին Խալիֆա բին Զաիդ Ալ Նահյանի ներկայացուցիչները հանդիպել էին Երևանի քաղաքապետ Հայկ Մարությանի հետ, սակայն իրենց նկատմամբ անհարգալից վերաբերմունքից ելնելով սառեցրել են իրենց բոլոր ներդրումային ծրագրերը:

Ի պատասխան Ծառուկյանի հայտարարությանը Հանրային հեռուստաընկերության եթերում Հայկ Մարությանը նշեց, որ հանդիպումն իրոք տեղի է ունեցել, սակայն դժգոհություն հայտնեց շեյխ Սուլթան Բին Խալիֆա բին Զաիդ Ալ Նահյանի ներկայացուցիչների պահվածքից, նշելով, որ իրենք հանդիպման էին եկել ջինսերով:

Դրանից առաջ «Կենտրոն» հեռուստաընկերության եթերում մի մեծ ռեպորտաժ է նկարահանվել, որտեղ մանրամասն ներկայացվել էր փաստերի եղելիությունը:

Սակայն այս ամենով պատմությունը չավարտվեց: Այսօր առավոտյան այդ թեմաին իր ֆեյսբուքյան էջում անդրադարձավ «Իմ քայլը» խմբակցության պատգամավոր Վահագն Թևոսյանը, սկզբում լրագրողներին կոչ անելով ստուգել արդյո՞ք Աբու-Դաբիի թագավորական ընտանիքում նման մարդիկ կան, թե՝ ոչ: Ինչից հետո նաև կարծիք է արտահայտել, որ «շատ տեսականորեն, (Ծառուկյանը կարող է-խմբ.) իր համար մի երկու պադստավնոյ արաբ պահեր վարձով»:

Թևոսյանի մեկնաբանությունը ներկայացնում ենք ստորև:

Հետագայում կփորձենք նաև կողմերից լրացուցիչ տեղեկություններ ստանալ այս հարցի վերաբերյալ:

Zham.am