Ծիծաղելի իրավիճակ Աժ-ում

«Լուսավոր Հայաստան»-ն առաջարկած Ազգային անվտանգության ծառայության տնօրենի և Ոստիկանության պետի պաշտոնները քաղաքական դարձնելու մասին նախագծին Իմ քայլը դաշինքը առաջին ընթերցմամբ կողմ էր քավեարկել, սակայն արդեն երկրորդ ընթերցումից առաջ պետաիրավական հարցերի հանձնաժողովը դեմ քվեարկեց նախագծին և այն դուրս եկավ օրակարգից: Խոսքն այն օրինագծի մասին է, որով ԱԱԾ տնօրեն և ոստիկանապետ կարող են նշանակվել անձինք, ովքեր վերջին 4 տարում ՀՀ քաղաքացի են եղել, Հայաստանում են բնակվել և բոլորել են 25 տարեկանը:
Ի՞նչ է փոխվել առաջինից երկրորդ ընթերցման ժամանակ, որ իշխանությունը փոշմանել է: Էսմոն Մարուքյանի աս հարցը անհամար վիճակ էր ստեղծել: ԱԺ նախագահ Արարատ Միրզոյանն ու պետաիրավական հանձնաժողովի նախագահ Վլադիմիր Վարդանյանը փորձում էին բացատրել, որ նախագծի ընդաւնումը կհասակասեր սահմանդրությանը և թեպետ իրենք շատ էին ուզում, բայց որևէ բան անել չեն կարող:
Վարդանյանի խոսքոով` այդ նախագծով խարխլվում և ձևախեղվում է համակարգը, իրնեք էլ զօրուգիշեր աշխատել են, բայց այդպես էլ չեն գտել իրավական այն ճանապարհը, որը հակասություն չի առաջացնի Սահմանադրության հետ․ - «Փորձ ենք կատարել գտնել մի լուծում, որի պարագայում մենք կարողանանք ազատականացնել այդ կառույցների ղեկավարներին, բայց հարց է առաջացել առ այն, թե ինչ անել տեղակալների հետ: Տեղակալները իրավական առումով ունեն միայն պատվիրակած լիազորություն, նրանք ինքնուրույն լիազորություն չունեն: Հետևաբար պետք էր ազատականացնել նաև տեղակալներին: Եթե ազատականացնում ենք տեղակալներին, ապա նրանք պետք է ունենան հավասար կարգավիճակ, նրանք չպետք է ունենան տարբեր կարգավիճակ»,- բացատրում էր Վարդանյանը: Արարատ Միրզոյանը ևս արդարանում էր, ասելով, թե արժեքաբանական առումով իշխանությունը նախագծի հետ խնդիր չունի, թափանցիկության կողմնակից է, բայց այս նախագիծը կցկտուր, թերի մի բան է, որը լուծում չի:
Փաստորեն Ազգային ժողովում առաջին նընթարցմամվ հավանաություն տալու ժամանակ խելքը գլխին մի իրավաբան չի եղել, որը կասեր, թե ինչ խնդիրներ են առաջանալու նախագծի ընդունման ժամանակ: Փաստորեն միակ խելքը գլխին մասնագետին փոխոստիկանապետ Հովհաննես Քոչարյանին, որն հայտարարել էր, թե սխալ է համարում 25 տարեկանին ոստիկանապետ նշանակելը, աշխատանքից ազատեցին:
Ըստ շրջանառվող ոչ պաշտոնական լուրերի սակայն, իշխանության հետողորմյան բոլորովին այլ պատճառներ ունի` ասում են Ռուսաստանցի ուժայինները Փաշինյանի հետ վերջին հանդիպման ժամանակ հարցեր են բարձրացրել, որից հետո որոշվել է նախագծի ընդունմանը stop տալ: Եվ հիմա նույն մարդիկ, որ մի շաբաթ առաջ ոգևորված բացատրում էին, թե ինչքան ճիշտ է ուժայիններին խորհրդարանի հսկողության տակ բերել, ստիպված հակառակն են ապացուցում` էլի նույն ջանասիրությամբ:

Հայկ Դավթյան