Նիկոլ Փաշինյանն այնպես է անում,որ «Հայելի» ակումբի դեմ իրականացված խուլիգանությունը չբացահայտվի. Փոստանջյան (video)

«Հայելի» ակումբի նախագահ Անժելա Թովմասյանի շահերի պաշտպան Զարուհի Փոստանջյանը, «Հայելի» ակումբում լրագրողների հետ զրույցում անդրադարձել է «Հայելի» ակումբի վրա հարձակման դեպքին. «Նման գործերի համար 2 ամիսը բավարար էր, որ նախաքննության ավարտը հայտարարվեր եւ գործն ուղարկեին դատարան: Պարզվում է, որ դեռ նախաքննությունը պետք է շարունակվի։ Պարզվում է, որ բավարար չի եղել նաեւ, որպեսզի մեղադրանք առաջադրվի խուլիգանության եւ բացահայտ խտրական վերաբերմունքարտահայտելու դեպքերի հետ կապված։ Ընդհանուր առմամբ մենք այս ամենը դիտարկում ենք ոչ թե միայն լրագողի աշխատանքի խոչընդոտել, այլ նաեւ խուլիգանական արարք, որովհետեւ հարձակում է տեղի ունեցել «Հայելի» ակումբի գրասենյակի վրա։ Հարձակումն էլ տեղի է ունեցել խուլիգանական արարքի միջոցով եւ հանրային կարգն է խախտվել այս արարքով։ Այս մասով մենք միջնորդություն ենք ներկայացրել քննչական կոմիտեի տվյալ բաժնի քննիչին, սակայն քննիչը պատասխանել է, որ այս պահին միջնորդությունը չի քննարկվելու, եթե կլինեն բավարար հիմքեր, միջնորդությունը նոր կքննարկվի եւ հնարավոր է բավարավի։ Բացի սա, մենք պահանջել էինք նաեւ, որ «Հայելի» ակումբը տուժող ճանաչվի, որովհետեւ ոչ միայն լրագրողն է տուժում իր մասնագիտական գործունեությունը ծավալվելու հարցում, այլ նաեւ հենց «Հայելի» ակումբը՝ որպես իրավաբանական անձ։ «Հայելի» ակումբին պատճառվել է եւ նյութական, եւ բարոյական վնաս»:

Առավել մանրամասն՝ տեսանյութում.