Ծանոթ-բարեկամ-կուրսեցի, վարուցան ոստիկանությունում

Վալերի Օսիպյանին փոխարինած, բայց դեռեւս ոստիկանապետի ժամանակավոր պաշտոնակատար Արման Սարգսյանն առանձնակի ակտիվություն է դրսեւորում: Նրան չի խանգարում իր <<ժամանակավոր>> կարգավիճակը, մոտ երկու ամիս է նա համակարգում նշանակում-ազատումներով ու տեղափոխություններով է զբաղված: Այսօր ոստիկանության պետի երկու տեղակալներ են նշանակվել
Արթուր Մարտիրոսյանը և Տիգրան Եսայանը: Ինչպես որ սպասվում էր այս երկուսն էլ պատահական մարդիկ չեն, լրատվամիջոցներն արդեն բացահայտել են նորանշանակների կապը համակարգի ժամանակավոր պաշտոնակատարի հետ: Նրա մյուս նշանակումների պես այս երկուսն էլ տեղավորվում են իր մտերիմ, ծանոթ, բարեկամ, կուրսեցիներից շարքում:
Արթուր Մարտիրոսյանը ՀՀ ոստիկանապետի ԺՊ Արման Սարգսյանի կուրսընկերն է, եղել է 6-րդ վարչության պետի տեղակալ, ապա՝ պետի պաշտոնակատար։ 2018 թվականի հունիսին Վ. Օսիպյանի հրամանով Արթուր Մարտիրոսյանը ազատվել էր Գյումրի քաղաքի ոստիկանության Մուշի բաժնի պետի պաշտոնից և նշանակվել ոստիկանության կազմակերպված հանցավորության դեմ պայքարի գլխավոր վարչության պետի առաջին տեղակալ։ Տիգրան Եսայանը նույնպես համակարգի հնաբնակներից է, եղել է կրթահամալիրի պետի առաջին տեղակալ։ Եսայանը իրավաբանական գիտությունների թեկնածու է, «Օրենքի պատվար» գիտամեթոդական ամսագրի գլխավոր խմբագիր, ոստիկանության գնդապետ։

Ժամանակավոր պաշտոնակատար Արման Սարգսյանի ինքնավստահությունից առավել հետաքրքիր է Նիկոլ Փաշինյանի անտարբեր վերաբերմունքը այս եւ բոլոր այն ուժային կառույցների հարցում, որտեղ ամիսներ շարունակ հիմնական նշանակումներ չի անում, խոսքը Ազգային անվտանգության ծառայության մասին է նաեւ: Արթուր Վանեցյանի եւ Վալերի Օսիպյանի պաշտոնանկություններից հետո համակարգում ոչ հիմնական նշանակումներն ունեին մի բացատրություն: Փաշինյանը որոշել է Էդմոն Մարուքյանենց օրենքն ընդունել եւ նշված պաշտոններում նշանակել հավատարիմ մարդիկ հեղափոխականներից: Ամիսներ են անցել, ոչ հիմնական նշանակում է լինում, ոչ օրենքն է ընդունվում:
Զուգահեռ ով ինչ ուզում անում է համակարգում ի դեմս Արման Սարգսյանի, որը մարդ չթողեց իր ազգուտակից, որ չնշանակեց բարձ պաշտոնի:

Անի Սահակյան