Ոստիկաններն իրար են սպանել
Վրաստանի Ցագերիի մունիցիպալիտետում ոստիկանության երկու աշխատակից միմյանց հրազենային մահացու վնասվածքներ են հասցրել: Ոստիկաններից մեկը մահացել է տեղում, երկրորդը՝ հիվանդանոց տեղափոխելուց հետո: Այս մասին հայտնում է Aliq.ge-ն:
Նախնական տեղեկություններով՝ ոստիկանների միջև կոնֆլիկտ է առաջացել Լաջանա գյուղում, որտեղ նրանք հսկում էին Արդարադատության տան հանրային կենտրոնը:
Կրակոցների հետևանքով վիրավորվել է նաև մոտ 60 տարեկան տղամարդ, որը, հավանաբար, պատահական անցորդ է եղել: Նա այժմ Քութայիսիի հիվանդանոցում է, բժիշկների խոսքով՝ նրա կյանքին վտանգ չի սպառնում:
Գործի առնչությամբ սկսվել է հետաքննություն՝ Վրաստանի քրեական օրենսգրքի 108-րդ՝ կանխամտածված սպանության հոդվածով:
Հետևեք մեզ Viber-ում
