Եթե ապրիլի 2-ի պատերազմը սկսեր ոչ թե 3.45-ին, այլ 1.30-ին, մենք չգիտենք՝ այն ինչով կավարտվեր. Բագրատյան
«Եթե ապրիլի երկուսի պատերազմը սկսեր ոչ թե 3.45-ին, այլ 1.30-ին, մենք չգիտենք՝ այն ինչով կավարտվեր, որովհետև մինչև լույսը բացվելը մենք չէինք կարողանում կռվել, լույսը բացվեց, նոր սկսեցինք կռվել»,-այսօր հրավիրված հարցազրույց-ասուլիսին ասաց ՀՀ նախկին վարչապետ, ԱԺ պատգամավոր Հրանտ Բագրատյանը: Սրանք հարցեր են, որոնք Հրանտ Բագրատյանը չգիտի, ով է լուծում բանակում: Իմ հաշվարկով, որպեսզի այս ամբողջը զինվորը տեսնի, մի քանի միլիոն դոլարի պատմություն է,ասաց Հրանտ Բագրատյանն ու հավելեց, որ այդ տեսնող սարքերը ժամանակին տեղական «Օրբիտա» գործարանում էին արտադրվում, և այդ առումով Հայաստանը Ադրբեջանի նկատմամբ այդ ժամանակ նույնիսի առավելություն ուներ: «Երբ ես դարձա վարչապետ, ես երկու հարց եմ դրել. հարց համար 1, բանակում պետք է լինի կապ, կապը եղավ, հարց համար 2. մենք չենք կարողանում տեսնել և խփել հակառակորդի ինքնաթիռները, կատարվեց անհավատալին՝ Հայաստանը կարողացավ ստեղծել ավելի լավ հակաօդային պաշտպանության համակարգ, քան Ռուսաստանը: Եվ մենք հասկացանք, որ եթե Ադրբեջանն ունի 200 տանկ մեր 70-ի դիմաց, դա վճռորոշ լինել չի կարող»,-ասաց ընդդիմադիր պատգամավորը:
Հետևեք մեզ Viber-ում
