BMW X6–ի վթարից հետո ավտոմեքենայի վրայից հանել են համարանիշներն ու փորձել ավտոմեքենան դեպքի վայրից հեռացնել.ՏԵՍԱՆՅՈՒԹ

Ճանապարհային ոստիկանության 2-րդ սպայական գումարտակի 1-ին վաշտում նյութեր են նախապատրաստվում նոյեմբերի 3-ին Արարատի մարզում տեղի ունեցած ավտովթարի փաստով: Այդ օրը նույն սպայական գումարտակի 2-րդ դասակում օպերատիվ տեղեկություններ էին ստացվել, որ Երևան-Երասխ ավտոճանապարհի Արտաշատ քաղաքի մուտքի մոտ BMW X6 մակնիշի 10 GL 007 համարանիշի ավտոմեքենայով վթար է տեղի ունեցել և վարորդը, սպասելով ճանապարհային ոստիկասնների ժամանմանը, դեպքի վայր է կանչել քարշակ ավտոմեքենա, որպեսզի այն տեղափոխի: Ինչպես հայտնում է ֆոտոլրագրող Գագիկ Շամշյանը, օպերատիվ տվյալներին ժամանակին արձագանքել են ՃՈ ծառայողները՝ դասակի հրամանատար Կարապետ Հարությունյանի գլխավորությամբ, ովքեր հայտնաբերել են ավտոմեքենան, որի վրայից հանել էին համարանիշները: Դասակի հրամանատարն ու ՃՈ ծառայողները հայտնաբերել են համարանիշները և վարորդը այն փակցրել է նորից ավտոմեքենային: Պարզվել է նաև, որ վթարի հետևանքով տուժածներ չկան