Ռուսաստանի դերը ԵՄ-ում
Եվրամիությունում Ռուսաստանին տեսնում են որպես Արկտիկայում միջազգային կառուցողական համագործակցության մասնակից: Ըստ «Ինտերֆաքս»-ի, այս մասին հայտարարել է ԵՄ արտաքին գործերի եւ անվտանգության քաղաքականության հարցերի գերագույն հանձնակատար Ֆեդերիկա Մոգերինին: Նա ցանկություն է հայտնել, որպեսզի այդ ուղղությամբ շարժումը շարունակվի: «Եվ որպեսզի այդ համագործակցությունը խորանա եւ ընդլայնվի: Դա ներառում է նաեւ մեր համագործակցությունը Ռուսաստանի եւ Արկտիկայում տարածքներ ունեցող մյուս խաղացողների, կամ նույնիսկ այդ գոտում ակտիվության ծրագրեր կամ շահեր ունեցողների հետ, օրինակ՝ Չինաստանի»,- ասել է Մոգերինին: Նրա խոսքով, «անցած ամիս Ռուսաստանի հետ հարաբերությունների առիթով խորը քննարկումներ են անցկացվել ԱԳ նախարարների հետ: «Սկզբունքներից մեկը, որի շուրջ մենք համաձայնության ենք հասել 28 պետությունների հետ, ընտրողական վերաբերմունքի սկզբունքն է այն ոլորտներում, որտեղ ակնհայտ եվրոպական շահ կա»,- ընդգծել է ԵՄ պաշտոնյան: Ըստ նրա, համաձայնագրում խոսք է գնում ընդհանուր մարտահրավերների եւ սպառնալիքների համար ընդհանուր լուծում գտնելու համաշխարհային շահագրգռվածության մասին է:
Հետևեք մեզ Viber-ում
