Էս ՔՊ-ականներից մի քանիսն անգամ հեծանիվ չեն տեսել, էսօր ինքնաթիռներից չեն իջնում.Գևորգ Պետրոսյան (video)
«Էդքան որ ասում են՝ սրան բռնեցին, նրան ձերբակալեցին, գումարներ են գանձել՝ ո՞ւր են այդ գումարները, դա պիտի երևա: Ինչի՞ վրա են ծախսում այդ գումարները՝ թանկարժեք ավտոմեքենաների՞, կառավարական առանձնատների վերանորոգմա՞ն: Մարդիկ իրենց համար զվարճանում են. ժողովուրդն ի՞նչ է շահել այդ ամեն ինչից: Եթե ժողովուրդը չի շահում, ուրեմն կառավարություն գոյություն չունի, ոչ մի առաջընթաց չկա»,-այսօր Հայելի ակումբում լրագրողների հետ հանդիպմանն ասաց ԲՀԿ-ական պատգամավոր Գևորգ Պետրոսյանը:
Վերջինիս խոսքով՝մարդ կա՝ կյանքում հեծանիվ չի նստել, էսօր շքեղ ինքնաթիռներից չի իջնում. «Արդյոք այս մի քանի մարդու բարեկեցության համա՞ր է այս հեղափոխությունն արվել: Ժողովուրդը դեռ սպասում է, ժողովրդի ակնկալիքն առայսօր իրացված չէ, և բավական է տեսարաններով կերակերել ժողովրդին, ժողովուրդն արդեն զզվել է այս թեմաներից, նրանց հետաքրքրում է հացի խնդիրը»:
Հետևեք մեզ Viber-ում
