The Washington Post. Եթե պատերազմը վերսկսվի, մենք առաջ կշարժվենք. ԼՂՀ պաշտպանության նախարար
Ամերիկյան The Washington Post թերթում հրապարակվել է Դեյվիդ Իգնատիուսի «Ղարաբաղ. Վերսկսված հակամարտություն Կովկասում» խորագրով հոդվածը, որում նշված է. «Հայկական առանձին այդ հանրապետության զորահրամանատարը երկուշաբթի տված հարցազրույցի ժամանակ կանխատեսել էր, որ փխրուն հրադադարը կարող է փլուզվել մի քանի օրվա ընթացքում:
Ինչպես գրում է Դավիդ Իգնատիուսը, «սառեցված հակամարտությունը», որը փակուղային վիճակում էր գտնվում 22 տարի, պայթեց ապրիլի 2-ին, երբ Ադրբեջանի ուժերը հարձակում սկսեցին 200 կիլոմետր երկարությամբ առաջնագծի երկայնքով։
Ռուսաստանի միջնորդությամբ արագորեն ապրիլի 5-ին հրադադար հաստատվեց, բայց, ինչպես ցույց տվեցին երկուշաբթի օրվա գործողությունները, նոր բռնկումը շատ մոտ է թվում։
Ղարաբաղյան հակամարտությունն աշխարհի ամենաքիչ քննարկված և ամենադժվարլուծելի խնդիրներից է, գրում է թերթը:
Ժամանակի ընթացքում զայրույթը, հանդարտվելու փոխարեն, երկու կողմից է՛լ ավելի է սրվել: Մոսկվան հայտարարում է, որ ցանկանում է միջնորդել երկարատև խաղաղ կարգավորում, բայց, միևնույն ժամանակ, զինում է երկու կողմերին։ Միացյալ Նահանգները նույնպես հույս ունի կանխել ավելի լայն բախումը, բայց քիչ դիվանագիտական լծակներ ունի։
Ղարաբաղն աշխարհում առավել քիչ քննարկվող և առավել դժվար լուծվող վեճերից մեկն է: Հիմնականում հայկական բնակչությունը երկամյա պատերազմի ժամանակ ուժով անջատվել է Ադրբեջանից: Դրանից հետո Ռուսաստանը, Ֆրանսիան ու ԱՄՆ-ը հովանավորել են միջնորդական ջանքերը, ինչը, սակայն, եղել է անարդյունք. Ադրբեջանը պահանջում է, որ այդ երկրամասը, որը նախկինում եղել է իր սահմանների ներսում, վերադարձվի, հայերն էլ պնդում են, որ չեն հեռանա: Երկար ժամանակի ընթացքում ցասումը, մեղմանալու փոխարեն, թվում է՝ ավելի է բորբոքվել երկու կողմի մոտ:
Ռուսաստանն օպորտունիստաբար կենտրոնում է: Մոսկվան ասում է, որ ցանկանում է միջնորդել՝ խաղաղության ամուր գործարքին հասնելու համար, սակայն դրա հետ մեկտեղ սպառազինում է երկու կողմին էլ:
ԱՄՆ-ը նույնպես հուսով է կանխել ավելի լայնամասշտաբ հակամարտությունը, սակայն ունի դիվանագիտական փոքր ազդեցություն: Ադրբեջանցիները՝ դատելով սոցիալական մեդիայի սուր գրառումներից, ավելի մեծ համարձակություն են ձեռք բերել՝ կապված վերջին հարձակողական գործողության հետ, իսկ հայերն իրենց զգում են մեկուսացված և ավելի են հաշտվել «մշտական պատերազմի» հետ, ինչպես որ այստեղ ինձ ասաց խաղաղության նախկին ակտիվիստներից մեկը:
Լեռնային Ղարաբաղի պաշտպանության նախարար գեներալ-լեյտենանտ Լևոն Մնացականյանը թերթի հետ զրույցում ասել է, որ իր զորքերը չէին սպասում լայնածավալ հարձակում ապրիլի 2-ին, բայց նշել է, որ եղել են դրա նշանները. օգոստոսից ի վեր 21 հայ զինվոր է սպանվել և 113 զինվոր վիրավորվել։ Բացի այդ, Ադրբեջանը համալրում էր իր զինանոցը նոր ռուսական տանկերով, իսրայելական անօդաչուներով ու թուրքական հրթիռներով: Հայկական կողմը, հանգիստ լինելով Ռուսաստանի հետ ենթադրվող «ռազմական դաշնակցությամբ», չէր ակնկալում Ադրբեջանի կողմից խոշոր հարձակում։
Լևոն Մնացականյանը թերթի հետ զրույցում պնդել է նաև, որ հայկական զորքերը կարող են պաշտպանել տարածքն առանց Ռուսաստանի օգնության։ «Քառօրյա պատերազմի արդյունքը ցույց է տալիս, որ մեր ունեցած տեխնիկան և մեր մարտական պատրաստությունը թույլ է տալիս ցանկացած հակառակորդի կանգնեցնել։ Եթե պատերազմը վերսկսվի, մենք ոչ միայն նրանց ետ կմղենք, այլև ինքներս առաջ կշարժվենք»,- ասել է նա:
«Օդանավակայան տանող ճանապարհին կարելի է տեսնել ազգային հուշարձանը՝ հողի մեջ ասես թաղված մարմիններով ծեր կնոջ և տղամարդու գլուխներով հսկայական քարե արձանը: Պաշտոնական անվանումն է՝ «Մենք ենք, մեր սարերը»: Ենթադրվող ուղերձը՝ տեղներիցս չենք շարժվելու։ Առջևում երկար, անզիջում հակամարտություն է թվում», - եզրափակում է հեղինակը։
Հետևեք մեզ Viber-ում
