Ուզբեկականը թուրքականի փոխարեն
Ուզբեկստանն ի վիճակի է Թուրքիային փոխարինել երկարաժամկետ հեռանկարում Ռուսաստանին բանջարեղեն եւ մրգեր մատակարարելու հարցում, հայտնել է Ուզբեկստանի նախագահ Իսլամ Քարիմովը Ռուսաստանի նախագահ Վլադիմիր Պուտինի հետ բանակցություններից հետո: «Ուղիղն ասենք. Թուրքիան, հասկանում եք, այսօր չի կարող ապահովել եւ ինչ-որ պատճառներով լուրջ առիթ կա մատակարարումները դադարեցնելու: Դե ասեք, մի՞թե Ուզբեկստանն ավելի քիչ միրգ եւ բանջարեղեն է արտադրում» — նշել է Քարիմովը: «Ուզբեկստանն այսօր նախատեսում է 2016-ին բանջարեղենի եւ մրգերի արտադրությունն ավելացնել մինչեւ 4,5 մլն տ.: Դա թիվ է: Եվ մենք ի վիճակի ենք ոչ միայն Ռուսաստանին ապահովել որոշ տեսակների առումով, այլեւ դա կիրականացվի երկարաժամկետ պլանում», — հավելել է Ուզբեկստանի ղեկավարը: «ՌԻԱ Նովոստիի» փոխանցմամբ՝ Վլադիմիր Պուտինն Ուզբեկստանը կոչել է ռազմավարական գործընկեր եւ ՌԴ-ի վստահելի դաշնակից` նշելով, որ Ռուսաստանը երկրորդ տեղն է զբաղեցնում Ուզբեկստանի արտաքին առեւտրական գործընկերների թվում: Ուզբեկստանի առաջնորդը Ռուսաստան է այցելել ապրիլի 25-ից 26-ը պաշտոնական այցով: Երկուշաբթի երեկոյան տեղի է ունեցել Պուտինի ոչ պաշտոնական հանդիպումը Քարիմովի հետ:
Հետևեք մեզ Viber-ում
