Քաղաքական հետապնդում, ինչու է թիրախավորվել «ՀԱՅԵԼԻՆ»
Քիչ առաջ հարձակում են գործել «Հայելի» մամուլի ակումբի վրա։ Չոր երիտասարդներ ձվեր են նետել ակումբի դռներին ու պատերին, պաստառներ փակցրել: Նրանք պահանջում են փակել լրատվամիջոցը եւ հայտնում են նաեւ պատճառը: Այն է՝ կայքում օրերս հրապարակված «Ալիևի ուշացած, բայց հուժկու պատասխանը Փաշինյանին» վերտառությամբ հոդվածը:
Այսպիսով, փորձենք հասկանալ, թե ինչու է այդ հոդվածը առիթ դարձել նման վայրագության: Հոդվածի բովանդակությունը Ադրբեջանի նախագահ Ալիեւի օրերս արված հայտնի հայտարարության մասին է: Հիշեցնենք, որ վերջինս անդրադառնալով ՀՀ վարչապետ Նիկոլ Փաշինյանի՝ «Արցախը Հայաստան է» հայտարարությանը, հայտնել էր «Կցանկանայի անդրադառնալ Հայաստանի վարչապետի հայտարարությանը, գրեթե բառացիորեն՝ «Ղարաբաղը Հայաստան է և վերջ»: Առաջին հերթին՝ դա մեղմ ասած սուտ է… Ղարաբաղը Ադրբեջան է և բացականչական նշան»: Չկա որեւէ վերլուծություն, որ Ալիեւը լավ է արել, որ նման պատասխան է տվել, որ պետք է շուտ տա, ընդամենը ներկայացվել է սոսկ զարգացումների ժամանակագրություն: Չնայած որ ցանկացած լրագրող, վերլուծաբան կարող է եւ իրավունք ունի նաեւ իր տեսակետը, դիրքորոշումը հայտնել կատարվածի առիթով: Բայց միթե նյութի վերնագիրը հիմք է եւ որեւէ մեկին իրավունք է տալիս հարձակվել խմբագրության վրա: Գոնե անցած տասը տարիներին որքանով հիշում ենք՝ նման բան չի եղել:
Հայտնի է հարձակվողների ինքնությունը՝ Դավիթ Հովհաննիսյան, Սարգիս Մանուկյան, Արտակ Մարգարյան և Հայկ Ստեփանյան, բոլորն էլ Նիկոլ Փաշինյանի թիմակիցներ կամ աջակիցներ: Ասել է թե՝ խմբագրության վրա հարձակվողը իշխանությունն է, իսկ թե ինչու, պարզից էլ պարզ է:
Երբեմնի լրագրող-խմբագիր վարչապետը թիրախավորում է ընդդիմադիր կեցվածք ունեցող լրատվամիջոցներն ու լրագրողներին:
Ակնհայտ է նաեւ, որ որպես հարձակման պատճառ նշվող հրապարակումը ընդամենը առիթ էր իշխանամերձ շրջանակների երկար ժամանակ կուտակված մաղձը ցուցադրելու համար։
Հայաստանում ազատ մամուլը ճնշելու յուրաքանչյուր փաստի հետեւում նշմարվում են իշխանությունների ականջները եւ սա բացահայտ ոտնձգության առաջին ծիծեռնակն էր:
Ինչպես նաեւ սա քաղաքական հետապնդում կայքի հիմնադիր Անժելա Թովմասյանի եւ իր նկատմամբ:
Եթե իրավապահ մարմիններին անհապաղ քայլեր ձեռնարկեն հարձակում գործած անձանց հայտնաբերելու և պատժելու ուղղությամբ, ապա կնշանակի, որ թեւակոխում են 37 թիվ՝ վախի ու ռեպրեսիաների ժամանակաշրջան: Կոչ ենք անում ՀՀ ՀՀ իշխանություններին ձեռնպահ մնալ մամուլի աշխատանքներին անհարկի միջամտելու փորձերից։ 2018թ. ապրիլ-մայիսյան հեղափոխության կարեւորագույն արդյունքը քաղաքացու իրավունքների եւ ազատությունների լիակատար իրականացումն է։ Հեղափոխությունը կատարվել է ՀՀ քաղաքացիների շնորհիվ եւ նրանց համար, իսկ իշխանությունների խնդիրն է նպաստել քաղաքացիների բոլոր, այդ թվում նաեւ՝ խոսքի ազատության իրավունքի իրականացմանը։
Անի Սահակյան
Հետևեք մեզ Viber-ում
