Ոնց չասես` տղուդ հասակակիցն է «հազար թակարդ կտրած» բիձա

Առաջին կինը բրիտանական պառլամենում՝ լեդի Նէնսի Աստորը, ով Մեծ Բրիտանիայի պատմության մեջ ամենավառ քաղաքական գործիչն էր, իր սրամտությամբ ու հանդգնությամբ չընկրկեց անգամ Ուիստոն Չերչիլի առաջ` երես առ երես հայտնելով իր անհամաձանությունը նրա քաղաքականության հետ:

Հայտնի են նրա սուր խոսքերի ‹‹փոխհրաձգությունը›› բրիտանական պրեմիերի հետ: Նրանց ընտանիքների միջև եղել է ջերմ բարեկամական հարաբերություններ: Սակայն Չերչիլի համակրանքը հանդուգն ամերիկուհու նկատմամբ նկատելիորեն սառեց, երբ վերջինս դարձավ պառլամենտի անդամ:
Մի անգամ Աստորը բարկացած նետեց Մալբորոյի հերցոգի հայտնի ժառանգի հասցեին. ‹‹Եթե ես ձեր կինը լիենի, թույն կլցնեի ձեր սուրճի մեջ››: ‹‹Իսկ եթե ես լինեի ձեր ամուսինը, կխմեի այն››,- վայրկենաբար հակադարձեց Չերչիլը:

Այ սա է քաղաքականության մեջ տղամարդկությունը, երբ տղամարդը, քաղաքական գործիչը, ինչ պարագայում էլ լինի, մեծարում կնոջը։ Նման դրսևորման դեպքում հաղթում է տղամարդը, հաղթում է ուժը, որովհետև կինը չի վիրավորվում, կինը զգում է իրեն՝ անկախ քաղաքական գործունեությունից, կին, մայր, թագուհի։

Երբ 58 տարեկան, երեք զավակի հայր քաղաքական գործիչն անվայելուչ արտահայտություն է թույլ տալիս իր զավակի հասակակից կին քաղաքական գործչին՝ Արփինե Հովհաննիսյանին, ի՞նչ անուն տալ։ Անդրանիկ Քոչարյան։ Բոլորս հիշում ենք նրան։ 1990-1991թթ.՝ ՀՀ ներքին գործերի նախարարի առաջին տեղակալ: 1991-1995թթ.՝ ՀՀ պաշտպանության նախարարի առաջին տեղակալ: 1994-1996թթ.՝ Աղետի գոտում կառավարության արտակարգ լիազոր ներկայացուցիչ: 1999-2000թթ.՝ ՀՀ վարչապետի խորհդական պաշտպանության, ազգային անվտանգության, ներքին գործերի եւ կադրային քաղաքականության հարցերով: 2000-2005թթ.՝ «Հասարակությունն ընդդեմ ահաբեկչության» հկ ազգային անվտանգության եւ պաշտպանության գծով անկախ փորձագետ: 2008-2009թթ.՝ Երեւանում 2008թ. մարտի 1-ի իրադարձությունները քննող փաստահավաք խմբի անդամ, փորձագետ: 2012 թվականից «Ժողովրդավարության, անվտանգության եւ զարգացման հայկական կենտրոն» հկ նախագահն է: Նման ճանապարհ անցած մարդը, կարող եք ծանոթանալ այդ թվերի հոդվածները «հեղափոխականի մասին», իրեն համարում է «հեղափոխական», որովհետև 2018թ. դեկտեմբերի 9-ին ԱԺ պատգամավոր է ընտրվել «Իմ Քայլը» կուսակցությունների դաշինքի համապետական ընտրական ցուցակով: 2019թ. հունվարի 18-ին ընտրվել է ՀՀ ԱԺ պաշտպանության եւ անվտանգության հարցերի մշտական հանձնաժողովի նախագահ: Իրեն համարում է հեղափոխական և իր զավակի հասակակցին վիրավորում «կառապանի պես»։ Ո՞նց չասես՝ տղուդ հասակակիցն է, «հազար թակարդ կտրած» բիձա՛․․․

Մնում է մտածել, որ նախկին երիտասարդը ավարտելով պոլիտեխնիկական ինստիտուտի կիբեռնետիկայի ֆակուլտետի ավտոմատ կառավարման համակարգեր բաժինը, իր ուղեղը կառավարվում է ավտոմատ, մարդկային հույզերն ու մտածողությունը անջատված են։

ՀԳ Անվայելուչ արտահայտությունը չեմ հիշեցնում։

hraparak.am