Իշխանական թևը պատրաստ է ստորագրել այդ թղթի տակ
Այսօր ԱԺ նիստում Ընտրական օրենսգրքի նախագծի քննարկումների ժամանակ ԲՀԿ խմբակցության ղեկավար Նաիրա Զոհրաբյանը հայտարարեց, որ որոշ քաղաքական ուժեր աշխատում են ֆեյսբուքյան օգտատերերի վրա, թե ինչ կգրեն նրանք, իսկ միմյանց հետ հարաբերվելու միակ եզրույթը մնացել է «мордобой»-ը: Այնուհետև անդրադառնալով ԸՕ-ին՝ ասաց, որ եթե անգամ ունենանք ամենաիդեալական օրենսգիրքը, գտնվելու են այն շրջանցելու տարբերակները, եթե իրապես չկա մտադրություն գոնե մեկ անգամ մեր երկրում անցկացնել ազատ և արդար ընտրություններ: Կառավարության աշխատակազմի ղեկավար-նախարար Դավիթ Հարությունյանը հայտարարեց, որ, իհարկե, կարելի է փայլուն ընտրություններ անցկացնել, բայց, երբ կա կասկածամտություն, պետք է ապացուցել, թե ինչ է տեղի ունեցել իրականում: Ապա համաձայնեց դիմել միջազգային կառույցներին` աջակցություն ստանալու համար հետևյալ 4 կետերի համար` ընտրողների գրանցման սարքեր, ծրագրային ապահովման կամ ծառայություն մատնահետքերի համադրման, տեսանկարահանում տեղամասերում և ամբողջ հանրապետությունում ընտրողներին ID քարտերի տրամադրում. «Մեր կողմից երաշխավորում եմ` իշխանական թևը պատրաստ է ստորագրել այդ թղթի տակ»:
Հետևեք մեզ Viber-ում
