Եթե մի փաստաթղթի մեջ 60 անգամ գրում են սխալ բառը,18 անգամ թերություն բառը, ո՞նց կարող եք դրանից հետո թույլ տալ Ամուլսարը շահագործել (video)

Բնապահպանական ճակատի անդամ Լևոն Գալստյանի դիտարկմամբ, այնպես չէ, որ Ամուլսարի հանքի շահագործման դեմ ակցիաներն ու բողոքները վերջին մեկ տարվա ընթացքում են հասունացել.«Կան մարդիկ, որոնք անընդհատ խոսում են ու ելույթ են ունենում, թե մենք արթնացել ենք հեղափոխությունից հետո, մինչդեռ մենք մեր բողոքները դեռևս սկսել ենք ներկայացնել 2010թ.-ից»:
Լևոն Գալստյանն իր խոսքում Էլարդի 250 էջանոց եզրակացությունից առանձնարել էր բառեր. «Ես հիմա կասեմ բառեր ու դրանց կրկնությունների քանակը, որից դուք առավել պարզ կպատկերացնեք իրավիճակը.
կասկածելի-12 անգամ
թերի-59 անգամ,
սխալ-60 անգամ
մտահոգ-30 անգամ
անվստահելի-7 անգամ
անորոշ-34 անգամ
թերություն-18 անգամ
վատ-11 անգամ
անբավարար-14 անգամ
չի կատարվել- 4 անգամ
Այսպիսի պարունակություն ունեցող փաստաթղթից հետո եզրակացնել, որ Ամուլսարի հանքը պետք է շահագործել, չեմ պատկերացնում՝ ինչ ժանրից է»:
Մանրամասները՝ տեսանյութում.