Հավաքագրված գումարը կուղղվի մեր մարտունակության բարձրացմանը.ԼՂՀ վարչապետ

Արցախում լրագրողների հետ հանդիպման ժամանակ, անդրադատռանալով Արցախի Հանրապետության կառավարության կողմից բացված հատուկ հաշվեհամարին,  ԼՂՀ վարչապետ Արայիկ Հարությունյանը հայտարարեց.«Մենք ոչ թե օգնության կոչ ենք արել, այլ պատրաստակամություն ենք հայտնել օգնել մեր այն քաղաքացիներին, ովքեր  ցանկանում էին օգնել Արցախին:  Արդեն ապրիլի 2-ից  ես անդադար զանգեր էի ստանում: Մարդիկ, Ավրստալիայից մինչև ԱՄՆ,  զանգում ու հետաքրքրվում էին, թե ինչով կարող են օգնել: Ստեղծելով այս հաշվեհամարը՝ մենք փորձեցինք համակարգել այդ բոլոր օգնությունները, փորձեցինք խուսափել  քաոսից»: ԼՂՀ վարչապետի խոսքով՝ իրենք սկսեցին աշխատել  տրվող օգնությունների 3 ուղղություններով՝ պարենային, ոչ պարենային և դրամական.«Պետք է ասեմ, որ առաջին երկու օրերին ստանաում էինք շատ պարենային օգնություն, հաջորդ օրերին արդեն  կատարվեց գույքագրում: Կարող եմ ասել, որ ստացել ենք մոտ 1 մլրդ 200 մլն-ի նման օգնություն: Այն հիմանականում բաժանվել է բանակին, այս օրերին Արցախ եկած կամավորներին և տեղահանված բնակիչներին»: «Պարենային օգնությունը վերահսկում էր նաև Սննդի անվտանգության ն ծառաությունը, որպեսզի չլինեն որակի, պիտանելիության ժամկետի հետ կապված խնդիրներ: Մեր որոշմամբ՝ այդ հավաքագրված գումարը կուղղվի բանակի մարտունակության աստիճանի բարձրացանը: Հատկապես ուղղելու ենք այն ծրագրերին, որոնք առաջնահերթ կհամարի ԼՂՀ պաշտպանության բանակը: Նշենք, որ արդեն սկսվել է  որոշ սարքավորումների ձեռքբերումը»,- ասաց նա: Ինչ վերաբերում է  դրամական օգնությանը, Ա. Հարությունյանի խոսքով, այսօրվա դրությամբ հավաքվել է մոտ 4 մլրդ  դրամի օգնություն: Հնարավորության սահմաններում, ինչպես ասաց Ա. Հարությունյանը, կապահովվի թափանցիկությունը և կներկայացվեն հաշվետվություններ: «Պետք է հասկականք, որ թափանցիկության հետ կապված հարցը առնչվում է սպառազինության հետ, հետևաբար՝ ամբողջությամբ չի կարող ներկայացվել»,- ասաց նա: