Սա Հայաստանի պատմության ամենախայտառակ քրեական գործն է և այս մասին գրվելու է դասագրքերում. Ռոբերտ Քոչարյան (video)
«Սա Հայաստանի Հանրապետության պատմության ամենից խայտառակ քրեական գործն է և այս գործի մասին գրվելու է դասագրքերում։ Այս մեկ տարվա ընթացքում իմ իրավունքները խախտվել են բազմաթիվ անգամներ և իմ տպավորությունն այնպիսին է, որ այս գործով որևէ խախտման հնարավորություն բաց չեն թողել։ Սա անձնավորված գործ է, քաղաքական հետապնդման էլեմենտ կա այստեղ, և սա արվում է մի մարդու նկատմամբ, որը և Ղարաբաղում և Հայաստանում նախագահ է եղել։ Մեկ–մեկ մտածում ես, որ իմ՝ նախկին նախագահիս նկատմամբ կարող են այսպիսի չարաշահումներ թույլատրել, ես մի բան եմ հասկանում , որ դատախազության համար օրենքը ոնց որ պլաստիլին լինի՝ ոնց ուզես մեկնաբանես»,–Երևանի ընդհանուր իրավասության դատարանի Շենգավիթի նստավայրում հայտարարեց անազատության մեջ գտնվող ՀՀ երկրորդ նախագահ Ռոբերտ Քոչարյանը։
«Այս քրեական գործի մասին հետագայում գրվելու է դասագրքերում։Հիմա սա է վիճակը , իմ տպավորությամբ սա Հայաստանի Հանրապետության պատմության ամենից խայտառակ քրեական գործն է, դասագրքերում է գրվելու այս գործի մասին և այս գործն ունենալու է իր բացասական և դրական հերոսներին, ես չեմ կասկածում, թե ովքեր են լինելու սրա բացասական հերոսները»,–ասաց նա:
«Դուք այն անձնավորությունն եք, որը գրում է այս քրեական գործի պատմության ևս մեկ էջ, թե ինչպիսին է լինելու այս էջը, կախված է ձեզանից»,- դիմելով նախագահող դատավոր Աննա Դանիբեկյանին ասաց երկրորդ նախագահը:
Հետևեք մեզ Viber-ում
