Հետ նայենք և չմոռանանք, որ սա Հայաստանի պատմության մի մասն է.Քլունի

«Ընդդեմ ցեղասպանության հանցագործության» գլոբալ ֆորումի ժամանակ հոլիվուդյան կինոդերասան, «Ավրորա» մարդասիրական մրցանակի ժյուրիի համանախագահ Ջորջ Քլունին,անդրադառնալով «Ընդդեմ ցեղասպանության հանցագործության» գլոբալ ֆորումին, նշեց, որ այն, ինչ այսօր արվում է, երկու իմաստ ունի.   «Առաջինը՝ հետ նայենք և չմոռանանք, որ սա Հայաստանի պատմության մի մասն է, այլև աշխարհի պատմության մի մասն է, սա մի ազգի ցավը չէ: Իսկ երկրորդ կողմն այն է, որ պետք է առաջ նայենք :24-ժամյա նորությունների ցիկլը, որ այսօր կա, կարող է մի ապազգայուն լսրան ձևաորել: Դա դառնում է պազրապես թվերի խնդիր, երբ լսում ես՝ 6 միլիոն փախստական, պարզապես թիվ է դա: ՄԱԿ-ը բավարար աշխատանք չի կատարել փախստականների հարցով: Ես հավատում եմ, որ մարդասիրության մեր տեսլականը կորցնում ենք, երբ հսկայական թվերով պատմություն ենք ներկայացնում: Ֆիլմարտադրությունում զուտ 6 մլն հրեաների մասին չպետք է խոսեն, որոնք սպանդի են ենթարկվել, այլ պետք է խոսենք մի մարդու մասին, որը փորձել է մի քանի մարդու կյանք փրկել: Պետք է խոսել ոչ թե մեծ թվերի մասին, այլ կոնկրետ դեպքի մասին: Երբ հիմա ԱՄՆ-ում հեռուստացույց միացնեք, ոչ մի ժամանակ չի տրամադրվում սիրիացի փախստականներին, Բոկո հարամին, երբեմն խոսում են ԻՊ-ից, որովհետև նրանց պատմությունը հայտնի է, բայց իրականությունը հետևյալն է. միացնում ես CNN, տեսնում ես դատարկ ինչ-որ ամբիոն, սպասում ես, որ Դոնալդ Թրամփը խոսի: Այդ ժամանակահատվածը, որ սպասում ենք Դոնալդ Թրամփին, ինչո՞ւ չենք նվիրում այն ընտանիքի պատմությանը, որը պայքարում է, որ Հալեպից կարողանա դուրս պրծնել: Նրանք հեռանում են, որովհետև մահանում են: Այնպես որ, ես հուսով եմ, որ որպես հեռուստատեսության և կինոյի մարդիկ, կկենտրոնանանք ավելի գլոբալ հարցերի վրա, քան ընտրությունները»: