Ավտովթար Արարատի մարզում. բախվել են Mercedes-ն ու ВАЗ 2115-ը. վարորդները տեղափոխվել են հիվանդանոց
Ճանապարհային ոստիկանության 2-րդ սպայական գումարտակի 1-ին վաշտի հետաքննիչ Արմեն Պողոսյանի կողմից նյութեր են նախապատրաստվում սեպտեմբերի 6-ին Արարատի մարզում տեղի ունեցած ավտովթարի փաստով:
Ժամը 17: 00-ի սահմաններում Մասիս-Էջմիածին ավտոճանապարհի Զորակ գյուղի վարչական տարածքում՝ Տիգրան Մեծի փողոցի 4 տան դիմաց, բախվել են Դարբնիկ գյուղի բնակիչ, 21-ամյա Աշոտ Շ.-ի վարած Mercedes մակնիշի 85 CC 858 համարանիշի և Մրգանուշ գյուղի բնակիչ, 42-ամյա Արման Հ.-ի վարած ВАЗ 2115 մակնիշի 35 LX 100 համարանիշի ավտոմեքենաները: Ինչպես հայտնում է ֆոտոլրագրող Գագիկ Շամշյանը վթարի հետևանքով վերջիններս մարմնական վնասվածքներով տեղափոխել են Մասիս բժշկական կենտրոն, որտեղից Արման Հ.-ն տեղափոխվել է Էրեբունի բժշկական կենտրոն: Դեպքի վայր են ժամանել ճանապարհային ոստիկանության 2-րդ սպայական գումարտակի 1-ին վաշտի 2-րդ դասակի ծառայողները՝ վաշտի հրամանատար Վահան Էվինյանի, դասակի հրամանատար Կարապետ Հարությունյանի գլխավորությամբ:
Հետևեք մեզ Viber-ում
