Հրատապ. Երևանի թիվ 16 հատուկ դպրոցում իրավիճակը լարված է
Երևանի թիվ 16 հատուկ դպրոցում իրավիճակը լարված է. ծնողներն ու մանկավարժական կազմի մի քանի ներկայացուցիչներ բողոքում են ԿԳՄՍ նախարարության ծանուցումը՝ դպրոցը լուծարելու մասին:
«Մայիսին ստացել ենք ծանուցում, որ պետք է դարձվի հանրակրթական դպրոց, սակայն երկու օր առաջ տեղեկացել ենք, որ պիտի լուծարվի դպրոցը»,- լրագրողների հետ զրույցում ասաց մանկավարժներից մեկը:
ԿԳՄՍ ներկայացուցիչը նշեց, որ խնդիրը դպրոցի լուծարումը չէ, այլ այն, որ Հանրակրթության մասին օրենքով Հայաստանի Հանրապետությունն անցնում է համընդհանուր ներառման.
«Լինելու են բժշկամանկավարժահոգեբանական կենտրոններ, որոնք սովորական դպրոցներում աջակցություններ են ցույց տալու: Այդ դպրոցներից մեկն է թիվ 16 դպրոցը: Այս պահի դրությամբ որևէ խնդիր չկա, կառավարության որոշում չկա:
Հարցին, թե այս դպրոցը նաև գիշերակացի խնդի՞ր էր լուծում, ԿԳՄՍ ներկայացուցիչը պատասխանեց. «ՀՀ օրենսդրությամբ սահմանված գիշերօթիկ դպրոց հասկացություն չկա»:
Հետևեք մեզ Viber-ում
