Շռնդալից ալիք. ինչից և ումից է վախենում Արմեն Սարգսյանը

2019 թ․ օգոստոսի 31-ին, ԼՂՀ առաջին և ՀՀ երկրորդ Նախագահ Ռոբերտ Քոչարյանը դարձավ 65-րդ տարեկան։ Հոբելյանի կապակցությամբ նախագահ Քոչարյանի գրասենյակը ստացել է և շարունակում է ստանալ բազմաթիվ շնորհավորանքներ։ Որքան էլ անսպասելի էր, շնորհավորական ուղերձների տարափ տեղաց ի հեճուկս գործող իշխանության վերաբերմունքի: Ակնհայտ է մի բան, որ դրանք սոսկ շնորհավորանքներ չէին, այլ քաղաքական բեւեռի հստակ ուղեգծում: Մարդիկ հասկանալով հանդերձ, որ մի շնորհավորանքը կարող է իրենց վրա ծանր նստել, որ կարող են հայտնվել իշխանության սրի տակ, այդուհանդերձ չխորշեցին անել այդ քայլը: Ովքեր են շնորհավորել երկրորդ նախագահին, այս մասին հաղորդագրություն է տարածել երկրոդ նախագահի գրասենյակը:
Բացի հրապարակված և մամուլում արդեն իսկ տարածված շնորհավորանքներից, որ հղվել են Ռոբերտ Քոչարյանին ՀՀ պաշտոնաթող Նախագահից, ԼՂՀ գործող և պաշտոնաթող Նախագահներից, ՀՀ մի շարք նշանավոր պետական և քաղաքական գործիչների կողմից, ԼՂՀ ռազմաքաղաքական ղեկավարությունից, ՌԴ նախագահից և ռուսաստանյան մի շարք քաղաքական ու հասարակական գործիչներից, նախագահ Քոչարյանին նաև շնորհավորել են Արա Աբրահամյանը` Ռուսաստանի հայերի միության նախագահ, Աբել Աղանբեկյանը` ՌԴ ԳԱԱ ակադեմիկոս, Մանվել Բադալյանը`ՀՀ քաղաքացիական ծառայության խորհրդի նախկին նախագահ, Զորի Բալայանը`Արցախի հերոս, գրող, հրապարակախոս, Արմեն Գեւորգյանը` նախկին փոխվարչապետ, ՀՀ Նախագահի աշխատակազմի նախկին ղեկավար,Անուշավան Դանիելյանը` ԼՂՀ նախկին վարչապետ, Վլադիմիր Եվտուշենկովը, «Սիստեմա» ԲՖԿ Տնօրենների Խորհրդի նախագահ,
Կոնստանտին Զատուլինը` ՌԴ Պետդումայի պատգամավոր, «Լազարևյան» ակումբի հիմնադիր, Ջեյմս Թուֆենկյանը` «Թուֆենկյան» հիմնադրամի հիմնադիր և նախագահ /ԱՄՆ/,
Սամվել Կարապետյանը`«Տաշիր Գրուպ» ընկերությունների խմբի հիմնադիր և նախագահ,Վիկտոր Կրիվոպուսկովը`ՀՀ-ում «ՌոսՍոտրուդնիչեստվո» պետական գործակալության նախկին ղեկավար, Պետրոս Կուրունլյան` գործարար /Հունաստան/, Սերգեյ Համբարձումյանը` «Մոնարխ» ընկերությունների խմբի գլխավոր տնօրեն, Դավիթ Հարությունյանը`«Լույս» հիմնադրամի տնօրեն, ՀՀ արդարադատության նախկին նախարար,
Հայկ Հարությունյանը` ՀՀ նախկին ոստիկանապետ, Վարդան Օսկանյանը` նախկին արտգործնախարար,
Ռոբերտ Քոչարյանին շնորհավորել են նաև մի խումբ անվանի մարզիկներ Հայաստանից և արտերկրից՝ Արթուր Աբրահամը, Արա Աբրահամյանը` հունահռոմեական ոճի ըմբշամարտի Աշխարհի և Եվրոպայի երկակի չեմպիոն, Օլիմպիական խաղերի բրոնզե և արծաթե մեդալակիր,
Արայիկ Գեվորգյանը` ազատ ոճի ըմբշամարտի Աշխարհի եռակի չեմպիոն եւ շատ ուրիշներ: Ուշագրավ էր հատկապես Արմեն Սարգսյանի լռությունը: Խնդիրը ոչ այնքան նրա անձն է, որի կոմպորմիստ տեսակին ծանոթ ենք բոլորս ու պարոն Սարգսյանը երբեք եւ ոչ մի դեպքում չի անի այնպիսի քայլ, անգամ եթե դա է պահանջում պետության շահը՝ եթե գրամ անգամ կասկածի, որ իր այդ քայլն անձամբի իրեն ձեռնտու չի լինելու, վնաս է հասցնելու: Խնդիրն այստեղ ինստիտուտն է, որն ամեն օր հետեւողականորեն ոչնչացնում է այս մարդը: Լավ, էլ ում ծնունդը պետք է լինի, որ պետության ղեկավարը հարկ համարի շնորհավորել: Թե Արմեն Սարգսյանի համար սեփական երկրի նախագահներն արժեք չեն ներկայացնում, ինչպես օտարները, ասենք վերջերս նա ուղերձ էր հղել Լուկաշենկոյի ծննդյան առթիվ: Թե խնդիրը Քոչարյանի՝ ՀՀ իշխանությունների հետ փոխհարաբրություններն են: Եթե այս անձնական հարցից անգամ մեր պետության գլուխը, Սահմանադրության երաշխվորը երկյուղում է, էլ ինչու ենք նրան մեր փողերով պահում այս աթոռին: Կկարելի է մի փոքր ամոթ ունենալ ու երբ այսքան քննադատվում եք, պարոն նախագահ, դիրքորոշում չհայտնելու, Փաշինյանից սարսափելու համար, առնվազն կարելի էր մի քիչ դուխովանալ կամ ամաչել եւ հաջորդ քայլը տարբերել նախորդից:

Անի Սահակյան