«Հրաժարվե´ք տարածքային ցուցակներից». Էդմոն Մարուքյան
«Կոալիցիաներում կուսակցությունների թիվն Ընտրական օրենսգրքով սահմանափակելը չի բխում Սահմանադրությունից: Ներկայացված համակարգը բոլորովին էլ համամասնական չէ: Խնդիրը հիմա ավելի շատ ընտրատեղամասերից դուրս է, ինչն ապացուցեցին նաև Հրազդանի ընտրությունները: Հրաժարվե´ք տարածքային ցուցակներից, միայն այդ դրույթը բավարար է, որ անհավասար մրցակցային պայմաններ լինեն, և իշխող ուժը հաղթի»,- ԱԺ Պետաիրավական հանձնաժողովի նիստում Ընտրական օրենսգրքի նախագծի քննարկման ժամանակ հայտարարեց պատգամավոր Էդմոն Մարուքյանը: Առաջին փուլում կոալիցիաներում կուսակցությունների թվի սահմանափակումը 3-ով ողջամիտ թիվ է, և Սահմանադրությամբ սահմանափակումների հարցը նախատեսվում է ԸՕ-ով,պատասխանեց ՀՀ կառավարության աշխատակազմի ղեկավար-նախարար, ԸՕ նախագծի համահեղինակ Դավիթ Հարությունյանը: «Տարածքային ցուցակներից հրաժարվելն ամենավտանգավոր բանն է մեր երկրի համար, որ խնդիր ունի տեղերում զարգացնել քաղաքական մշակույթը»,- ասաց Դ.Հարությունյանը` նշելով, որ դա կնշանակի՝ քաղաքականությունն էլ կենտրոնացնել Երևանում:
Հետևեք մեզ Viber-ում
