Խոշոր ավտովթար. 42-ամյա վարորդը Chevrolet-ով մի քանի պտույտ գլորվելով՝ բախվել է քարերին ու կողաշրջված վիճակում հայտնվել ձորում. կան վիրավորներ
Երեկ՝ օգոստոսի 26-ին, խոշոր ավտովթար է տեղի ունեցել Սյունիքի մարզում։ Ժամը 15։40-ի սահմաններում Երևանի բնակիչ՝ 42-ամյա Էվելինա Ա-ն իր վարած Chevrolet TrailBlazer մակնիշի 36 AX 206 համարանիշի ավտոմեքենայով Գորիս-Ստեփանակերտ ավտոճանապարհի 25 կմ հատվածում դեռևս անհայտ պայմաններում կորցրել է ավտոմեքենայի կառավարումը և մի քանի մետր գլորվելով՝ բախվել է հսկայական քարերին և կողաշրջվել։
Ինչպես հայտնում է ֆոտոլրագրող Գագիկ Շամշյանը, վթարի հետևանքով վարորդ Էվելինա Ա-ն, նրա ուղևոր՝ Երևանի բնակիչ, 42-ամյա Արման Ա-ն մարմնական վնասվածքներով տեղափոխվել են «Գորիս» բժշկական կենտրոն։ Դեպքի վայր են ժամանել ճանապարհային ոստիկանության 2-րդ սպայական գումարտակի 6-րդ վաշտի 2-րդ դասակի ծառայողները՝ վաշտի հրամանատար Գեղամ Մարգարյանի, դասակի հրամանատար Արմեն Հարությունյանի գլխավորությամբ։ Տեղում հետաքննչական աշխատանքները ղեկավարել է նույն վաշտի ավագ հետաքննիչ Վարդանյանը, ում կողմից փաստի առթիվ նյութեր են նախապատրաստվում։ Ավտոմեքենան քաղաքացիների օգնությամբ վեիամբարձ կռունկով տեղափոխվել է անվտանգ վայր։