Լեւոն Արոնյանը երրորդ ոչ-ոքին արեց

Ստավանգերում ընթացող «Norway Chess 2016» մրցաշարի երրորդ տուրում Լեւոն Արոնյանը սպիտակ խաղաքարերով մրցեց Լի Չաոյի հետ: Պարտիան 40-րդ քայլին ավարտվեց ոչ-ոքի արդյունքով: Լեւոն Արոնյանը վաստակեց 1,5 միավոր եւ չինացի շախմատիստի, բուլղարացի Վեսելին Թոփալովի եւ հոլանդացի Անիշ Գիրիի հետ բաժանում է 4-7-րդ տեղերը: Մրցաշարային աղյուսակը գլխավորում է աշխարհի չեմպիոն Մագնուս Կառլսենը, որը երեք տուրից հետո ունի 2,5 միավոր: Վաղը կայանալիք 4-րդ տուրում ԼեւոնԱրոնյանի մրցակիցն է Անիշ Գիրին: