Ընկերները գժտվել են քաղաքական հողի վրա

Մեր տեղեկություննրով, ռուսաստանաբնակ մեր հայրենակիցներ Գարիկ Մարտիրոսյանն ու Արթուր Ջանիբեկյանը քաղաքական հարցերով պայմանավորված որոշակի տարաձայնություններ ունեն: Որքան էլ փորձում են իրենց պահել այնպես, թե հեռու են քաղաքականությունից, այնուամենայնիվ իրենց կապերն ակնառու են: Նրանք սերտ շփումներ ունեն ոչ միայն Ռուսաստանի վարչապետ Դմիտրի Մեդվեդեւի հետ, այլեւ ՀՀ քաղաքական շրջանակների: Արթուր Ջանիբեկյանի եւ Սերժ Սարգսյանի մտերմության արմատներն են բավականին խորը, իսկ Գարիկ Մարտիրոսյանը սերտ շփումների մեջ է Արմեն Սարգսյանի հետ: Գարիկի եղբայրը՝ Կանադայում  Հայաստանի նախկին դեսպան Լեւոն Մարտիրոսյանը ,սովորել է Լոնդոնում եւ երբ Արմեն Սարգսյանը Հայաստանում ակումբ էր բացել Լոնդոնի շրջանավարտների մասնակցությամբ գործող, աշխատանքները համակարգում էր Լեւոն Մարտիրոսյանը: Վերջինս մշտապես եղել է Արմեն Սարգսյանի մտերիմը եւ հիմա Մոսկովյան վերին էշելոններում եղբոր՝ Գարիկի միջոցով Արմեն Սարգսյանի լոբբինգով է զբաղված, որպեսզի ֆորս մաժորի դեպքում Մոսկվան խաղադրույք կատարի հենց Սարգսյանի վրա, մինչդեռ Ջանիբեկյանն էլ Սերժ Սարգսյանի հետ մտերմությունն է սերտացնում եւ շարունակում նրա շահերը պաշտպանել: