Խանդի նոպանե՞ր, թե կղզիներում տժժալու անհագ տենչ
Որ Նիկոլ Փաշինյանը այդպես էլ վարչապետ չի դառնում ու մնում է լրագրողի իր ինտրիգան մակարդակի վրա ու լրատվամիջոցներին դիտարկում է իր միակ ու անփոխարինելի մրցակից, ապացուցում է հենց ինքը՝ Նիկոլ Փաշինյանը։ Նա հերթական անգամ իր խանդի նոպաներն է ցուցադրել՝ քննարկման առարկա դարձնելով կրտսեր դստեր ծննդյան տոնակատարությունը, ավելի ճիշտ իր ձեւով փորձել է հեգնել ԶԼՄ-ների աշխատանքը՝ մի քանի ստատուս տեղադրելով իր ֆայսբուքյան էջում․«Լավատեղյակ աղբյուրներից հայտնի է դարձել, որ այսօր Բահամյան կղզիներում տեղի է ունեցել վարչապետ Ն. Փաշինյանի դստեր՝ Արփիի ծննդյան ծննդյան ճոխ արարողությունը: Էլիտար քեֆին մասնակցել են բարձրաստիճան պաշտոնյաներ, օլիգարխներ, քրեական հեղինակություններ, նարկոբադոններ եւ մի կին ատամնատեխնիկ: Նրանք բոլորը քծնել են վարչապետի դստերը, ասելով՝ Արփի ջան, ծնունդդ շնորհավոր: Այդ առիթով Հայաստանից բահամներ 10 չարտերային չվերթ է իրականացվել՝ ոսկեջրած օդանավերով:Մատուցվել է կոկորդիլոսի խաշլամա, շնաձկի տոլմա:Վերջում, որպես դեսերտ 200 տարվա կոնյակ, 60 տարվա փախլավայի հետ: Ու այս ամենը պետբյուջեի հաշվին: Էլիտար ծննդյան առիթով Ատլանտյան օվկիանոսի երթեւեկությունը դադարեցվել է: Ուժեղ լրատվամիջոցների կոալիցիա, հատուկ ձեզ համար», գրել է նա ու տեղադրել լուսանկարներ ու տեսանյութ ըստ ամենայնի Սեւանում տոնվող խնջույքից։
Նախ մեկը հարցնող լինի՝ ինչու է վարչապետը նեղվում, որ ինքն ու իր ընտանիքը պարբերաբար հայտնվում են լրատվամիջոցների թոփ լուրերում։ Ամբողջ քաղաքակիրթ աշխարհում է ընդունված, որ չորրորդ իշխանությանը հետաքրքիր է ոչ միայն պետության ղեկավարը, այլեւ իր ընտանիքը։ Հատկապես, երբ այդ ընտանիքի յուրաքանչյուր անդամ ամեն օր, ամեն պահի առիթ է ստեղծում լրատվականների թոփ լուրերում հայտնվելու համար։ Սկսած պետության միջոցների հաշվին շուրջերկրյա ճանապարհորդություններով, վերջացրած իրենց ընտանեկան փարթիներով ու դաստիարակչական ստատուսներով։ Եւ ընդհանրապես՝ ինչու եք որոշել ամբողջ ընտանիքով դասեր տալ լրատվամիջոցներին, հեգնել որեւէ հրապարակման առիթով, համահայկական քննարկման նյութ դարձնել տվայլ լրատվամիջոցի, տվյալ նյութը, երբ տարիներ շարունակ պարոն Փաշինյան դուք ինքներդ եք այդ գործով զբաղվել։ Ձեր լրատվամիջոցով ներխուժում ամենաանթույլատրելի տարածքներ, ձեր խմբագրած թերթի էջերում հանրությանը մատուցում նույնիսկ պաշտոնյաների անձնական կյանքը։
Ինչ է, ձեզ կարելի է ցանկացած բանի մասին գրել, իսկ մյուսներին՝ ո՞չ։
Իսկ, ընդհանրապես, մի փորձեք նման մանիպուլացիաներով բթացնել հանրությանը, որպեսզի մի օր էլ որոշեք, իսկապես, ձեր նկարագրած պայմաններում նշել ձեր եւ ընտանիքի անդամների ծնունդը / հատկապես, որ մարդիկ միշտ խոսում են այնպիսի բաների մասին, ինչին, որ երազում են/ , բայց մի ոտ շուտ մանիպուլացիաներ անեք, որպեսզի, երբ ԶԼՄ-ները անդրադառնան այդ խնջույքներին, ասեք, թե դրանք «ուժեղ լրատվամիջոցների կոալիցիայի» ձեռագիրն է։ Հետեւաբար ԶԼՄ-ներին հեգնելուց առաջ լավ կլիներ սանձեիք ձեր ընտանքին, մենք հեղափոխություն չենք արել, որպեսզի նրանք տարին տասներկու ամիս թանկարժեք վոյաժներ անեն ու հետո էլ լուրջ տոնով խրատեն իրենց քննադատող լրատվամիջոցներին։
Անի Սահակյան
Հետևեք մեզ Viber-ում
