Վիճաբանություն Երևանում. հարևանը վիճաբանությունը կանխելու նպատակով կրակել է

Երեկ՝ օգոստոսի 16-ին, արտակարգ դեպք է տեղի ունեցել Երևանում։ Ժամը 22։30-ի սահմաններում ոստիկանութան Նոր Նորքի բաժին օպերատիվ տեղեկություններ են ստացվել, որ Նոր Նորքի վարչական շրջանի 8-րդ զանգվածի 35 շենքի մոտ վիճաբանություն է և հնչել է կրակոց։

Ինչպես հայտնում է ֆոտոլրագրող Գագիկ Շամշյանը, օպերատիվորեն նշված վայր են ժամանել ոստիկանության Նոր Նորքի բաժնի քրեական հետախուզության և համայնքային ոստիկանության բաժանմունքների ծառայողները, ովքեր պարզել են, որ նշված շենքի բակում վիճաբանություն է տեղի ունեցել նույն շենքի բնակիչ՝ 59-ամյա Սերոբ Հ-ի և այլ անձանց միջև։ Վիճաբանության ժամանակ նույն շենքի բնակիչ՝ 34-ամյա Նվեր Օ-ն նշված անձանց միջև տեղի ունեցած վիճաբանությունը դադարեցնելու նպատակով կոպիտ կերպով խախտելով հասարակական կարգը՝ իր տան պատուհանից իրեն պատկանող «Զորակ» տիպի 9 մմ տրամաչափի գազային ատրճանակիով 1 անգամ օդ է կրակել։ Ոստիկանները Նվեր Օ-ին բերման են ենթարկել ոստիկանություն, որտեղ նա ներկայացրել է գազային ատրճանակը։ Փաստի առթիվ ոստիկանության Նոր Նորքի բաժնի հետաքննչական բաժանմունքում նյութեր են նախապատրաստվում։ Ոստիկանները ձեռնարկում են անհրաժեշտ միջոցառումներ՝ վճաբանության մյուս մասնակիցների ինքնությունը պարզելու, նրանց և կռվի մասնակիցներից Սերոբ Հ-ին հայտնաբերելու ուղղությամբ։