Այսօր Բեռլինում ԵԱՀԿ-ի Մինսկի խմբի համանախագահները ԵԱՀԿ-ում գերմանական նախագահությանը կզեկուցեն Լեռնային Ղարաբաղի հակամարտության գոտում ռազմական գործողությունների և հակամարտության շուրջ առաջիկա բանակցությունների վերաբերյալ: Այդ մասին թվիթերյան գրառմամբ հայտնել է Մինսկի խմբի ամերիկացի համանախագահ Ջեյմս Ուորլիքը: Հիշեցնենք, որ այս տարի ԵԱՀԿում նախագահող երկիրը Գերմանիան է:
Ռուսաստանի արտաքին գործերի նախարարության պաշտոնական կայքէջի փոխանցմամբ երեկ Մոսկվայում փոխնախարար Գրիգորի Կարասինն ընդունել է Ռուսաստանում Ամերիկայի Միացյալ Նահանգների արտակարգ և լիազոր դեսպան Ջոն Թեֆթին։ Հանդիպումը տեղի է ունեցել ամերիկացի դիվանագետի խնդրանքով։ Կարասինը և Թեֆթը քննարկել են Անդրկովկասում ստեղծված իրավիճակը, մասնավորապես, Լեռնային Ղարաբաղի հակամարտության հարցը։ ՌԴ փոխարտգործնախարարը և ԱՄՆ-ի դեսպանն անդրադարձել են նաև Ուկրաինայի ճգնաժամին և Մոլդովայի ու Վրաստանի իրավիճակին։
Ղարաբաղի հարցում Ռուսաստանի ակտիվ ջանքերի ֆոնին ամենակարևոր հարցերից մեկն այն է, թե այսօր Ռուսաստանն ու Միացյալ Նահանգները միասնական դիրքորոշում ունե՞ն Ղարաբաղի հարցում: Ավելի կոնկրետ` այն ինչ առաջարկում է Ռուսաստանը` Միացյալ Նահանգները տվե՞լ է իր «OK»-ը:
Եթե ԵԱՀԿ Մինսկի խմբի համանախագահող Միացյալ Նահանգներն ու Ֆրանսիան համաձայնել են Ռուսաստանի այսօրվա «պլանին», այլ կերպ ասած` Լավրովի առաջարկներին, ապա կարելի է ասել, որ ԵԱՀԿ Մինսկի խմբում կա համաձայնություն` ռուսական ակտիվության հարցում:
Բայց, եթե մենք վերհիշենք մի հայտարարություն պաշտոնական Մոսկվայի կողմից Սերժ Սարգսյանի և Իլհամ Ալիևի` վաշինգթոնյան այցի օրերին, ապա կարելի է եզրակացնել, որ դեռ երեք շաբաթ առաջ ԵԱՀԿ Մինսկի խմբում անհամաձայնություններ կային:
Մինչև ապրիլի քառօրյա պատերազմի բռնկումը Ռուսաստանի ԱԳՆ պաշտոնական ներկայացուցիչ Մարիա Զախարովան մի ուշագրավ հայտարարություն էր արել: Նա նախ նշել էր, թե Ռուսաստանը և ԱՄՆ-ը համատեղ աշխատում են միջազգային մեխանիզմների շրջանակներում` մասնավորապես Լեռնային Ղարաբաղի խնդրի կարգավորման համար: Սակայն հետո Զախարովան նկատել էր. «Չի կարելի ասել, որ Մոսկվայի և Վաշինգտոնի գոյություն ունեցող մոտեցումները բոլոր հարցերում նույնական են կամ համընկնում են: Այդուհանդերձ մենք փնտրում ենք լուծում և դրա համար օգտագործում ենք դիվանագիտություն: Դրա համար էլ այն գոյություն ունի, որպեսզի տարբեր տեսակետների դեպքում դրանք մոտեցնենք»:
Առաջիկա օրերին, թերևս, ավելի հստակ կլինի, թե արդյոք ԱՄՆ-ն ու Ֆրանսիան ամբողջությամբ սատարո՞ւմ են ռուսական նախաձեռնությունը Ղարաբաղի հարցում:
Մետաքսյա Շալունց
Սեպտեմբերի 25-ին՝ ժամը 12։00-ին, Հայելի ակումբի հյուրն է Հովհաննես Իշխանյանը
Սեպտեմբերի 25-ին՝ ժամը 13։00-ին, Հայելի ակումբի հյուրն է Հովհաննես Շահինյանը
Սեպտեմբերի 25-ին՝ ժամը 12։00-ին, Հայելի ակումբի հյուրն է Կարինե Նալչաջյանը
Սեպտեմբերի 25-ին՝ ժամը 14։30-ին, Հայելի ակումբի հյուրն է Ռուզան Ստեփանյանը
Սեպտեմբերի 24-ին՝ ժամը 15։30-ին, Հայելի ակումբի հյուրն է Արմենակ Դանիելյանը
Սեպտեմբերի 24-ին՝ ժամը 14։00-ին, Հայելի ակումբի հյուրն է Գառնիկ Դանիելյանը
Սեպտեմբերի 24-ին՝ ժամը 13։00-ին, Հայելի ակումբի հյուրն է Արմենուհի Կյուրեղյանը
Սեպտեմբերի 24-ին՝ ժամը 11։30-ին, Հայելի ակումբի հյուրն է Սուրեն Սուրենյանցը
Սեպտեմբերի 24-ին՝ ժամը 10։30-ին, Հայելի ակումբի հյուրն է Էդիկ Անդրեասյանը
Սեպտեմբերի 23-ին՝ ժամը 15։00-ին, Հայելի ակումբի հյուրն է Հենրիխ Դանիելյանը
Հետևեք մեզ Viber-ում
