Մինչ ՀՀ տարածքային կառավարման և զարգացման նախարար Սուրեն Պապիկյանն այս օրերին Facebook սոցիալական ցանցը ողողում է նրանով, թե ինչպես են ճանապարհային շինարարները հանրապետությունով մեկ կատարում ասֆալտապատման աշխատանքներ, Տավուշի մարզում անբարեկարգ ճանապարհի ու ճանապարհային երթևեկության նշանների բացակայության պատճառով հերթական ավտովթարն է տեղի ունեցել։
Ինչպես հայտնում է ֆոտոլրագրող Գագիկ Շամշյանը, օգոստոսի 5-ին, ժամը 02։00-ի սահմաններույմ Երևանի բնակիչ՝ 30-ամյա Վ. Մ-ն իր վարած Dodge CHARGER մակնիշի ավտոմեքենայով Հաղթանակ բնակավայրի վարչական տարածքում՝ բնակավայրի սկզբնամասում, դուրս է եկել ճանապարհի երթևեկելի գոտուց և հայտնվել ձորում։ Ֆոտոլրագրողի տեղեկություններով՝ վթարի հետևանքով վարորդ Վ. Մ-ն «կրծքավանդակի սալջարդ» ախտորոշմամբ դիմել է «Նոյեմբերյան» բժշկական կենտրոն։ Դեպքի վայր են ժամանել ճանապարհային ոստիկանության 2-րդ սպայական գումարտակի 5-րդ վաշտի 2-րդ դասակի ծառայողները՝ դասակի հրամանատար Արա Շահնազարյանի գլխավորությամբ։ Ֆոտոլրագրողը հայտնում է, որ հետաքննությամբ պարզվել է, որ վարորդը և ավտոմեքենայում գտնվող ուղևորները բոլորը եղել են ամրակապված, ու եթե վարորդը ճիշտ չկողմնորովեր և բոլորն էլ ամրագոտի կապած չլինեին, վթարը, հնարավոր է՝ ողբերգական լիներ։
SHAMSHYAN.com-ի թղթակցի հետ զրույցում վթարի հարևանությամբ ապրոո գյուղացիները, ովքեր առաջինն են օգնության հասել վարորդին և ուղևորներին, ասում էին. «Նշված ճանապարհը մի իսկական պատուհաս է դարձել։ Թե մարզպետարանը, թե տեղի ճանշինը մատը մատին չեն խփում այդ ճանապարհահատվածում ճանապարհային երթևեկությունը կարգավորող նշանների տեղադրման և արտաքին լուսավորման հարցում։ Թողնես՝ ճոռոմ-ճոռոմ խոսեն, թե իրավիճակ է փոխվել ու ճանապարհները դառնալու են եվրոպական ճափանիշներին համապատասխան։ Գրեթե ամեն շաբաթ 3-4 ավտովթար է տեղի ունենում այդ հատվածում, բայց պատասխանատուները քար անտարբերություն են ցուցաբերում։ Տարածքային կառավարման նախարար Ս. Պապիկյանին, Տավուշի մարզպետին և տեղի ճանշինի պատասխանատուներին հրավիրում ենք մութն ընկնելուն պես մի հատ շրջեն այս հատվածով և իրենց մաշկի վրա զգան, թե ինչպիսի բարձիթողի վիճակում է գտնվում այս ճանապարհահատվածը։ Գոնե այս վթարից հետո պատասխանատուները խելք-խելքի տան ու խնդիրը լուծեն»։ Փաստի առթիվ ՃՈ 2-րդ սպայական գումարտակի 5-րդ վաշտի հետաքննիչի կողմից նյութեր են նախապատրաստվում։
Դեկտեմբերի 5-ին՝ ժամը 12։30-ին, Հայելի ակումբի հյուրն է Գյուլնարա Ալեքսանյանը
Դեկտեմբերի 5-ին՝ ժամը 11։30-ին, Հայելի ակումբի հյուրն է Վոլոդյա Հովհաննիսյանը
Դեկտեմբերի 5-ին՝ ժամը 15։00-ին, Հայելի ակումբի հյուրն է Գագիկ Մինասյանը
Դեկտեմբերի 5-ին՝ ժամը 14։00-ին, Հայելի ակումբի հյուրն է ՀՀԿ-ից Կարապետ Պողոսյանը
Դեկտեմբերի 4-ին՝ ժամը 11։30-ին, Հայելի ակումբի հյուրն է Նարե Սոսեն
Դեկտեմբերի 4-ին՝ ժամը 16։30-ին, Հայելի ակումբի հյուրն է Մայր Հայաստանից Դերենիկ Մալխասյանը
Դեկտեմբերի 4-ին՝ ժամը 15։30-ին, Հայելի ակումբի հյուրն է Թաթուլ Պետրոսյանը
Դեկտեմբերի 4-ին՝ ժամը 10։30-ին, Հայելի ակումբի հյուրն է Տիգրան Չոբանյանը
Դեկտեմբերի 4-ին՝ ժամը 15։00-ին, Հայելի ակումբի հյուրն է Ժասմինա Ղևոնդյանը
Դեկտեմբերի 3-ին՝ ժամը 14։00-ին, Հայելի ակումբի հյուրն է Մայր Հայաստանից Արմեն Դանիելյանը
Հետևեք մեզ Viber-ում
