Եթե դուք ասֆալտին փռող եք,օլիգարխներին փռեք,փողերը մուծվել են ձեզ,դրել եք գրպանը,ժողովրդի վրա մատ եք թափ տալի՞ս.Հայկ Բաբուխանյան

Հարցազրույց ՍԻՄ նախագահ Հայկ Բաբուխանյանի հետ:/Մաս 1-ին/

-Իշխանության ներկայացուցիչները հայտարարում են,որ կինոն ավարտվել է,և բոլորը պետք է հրաժեշտ տան,համաձա՞յն եք,որ եկել ենք այդ հանգրվանին: Վենետիկի հանձնաժողովը եզրակացություն ներկայացրեց, իշխանության ներկայացուցիչները ասացին,որ այն ,ինչ մենք նախաձեռնել ենք ,մեզ հետ համաձայն են,համակարծի՞ք եք այս տեսակետի հետ:

-Նախ կինոն ավելի շատ կրեկես է ,ոչ թե կինո,և վատ որակի և շարունակվում է,շարունակվում է այն պահից,երբ որոշ մարդիկ իրենց հռչակեցին մեկը վարչապետ,մյուսը չգիտեմ ինչ,գրավեցին երկիրը,որից հետո կառավարությունը , հետո գրավեցին ԱԺ-ն,հիմա եկել է դատական համակարգի հերթն է և այս փուլում կատարվում է դատական համակարգի զավթում՝հակասահմանադրական,հակաօրինական:Սա շատ մտահոգիչ է,որովհետև երկրում իշխանության ուզուրպացիան հակասահմանադրական է,շանր հանցանք է:Սահամանադրական դատարանը,դատական ամբողջ համակարգը ,դատարանները,դատավորները գործ ունեն ՀՀ սահմանդրության նախանշած կառուցվածքային համակարգի ներքո և եթե ինչ-որ մարդիկ,տվյալ դեպքում նաև իշխանություն զավթած մարդիկ ,ուզում էին դա փոխել,նախ պետք է ասեն՝ինչ ուղղությամբ են ուզում փոխել ,եթե խոսքը անձերի մասին է,որ չեն սիրում,դա քաղաքական գործընթաց չէ:Եթե խոսքը համակարգային բարեփոխումների մասին է,ապա դա պետք է ներկայացնել հասարակությանը ,դա պետք է անել իրավական ճանապարհով՝փոխել համապատասխան սահամանդրության հոդվածներ,օրենքներ և դրանից հետո կատարել այդ փոփոխությունները:
Այս հիստերիկ հարձակումներով,գողական լեքսիկոնով ,հակաօրինական կերպարով իհարկե դա անել չի կարելի,դա երկրի սահմանադրակնության ոչնչացումն է:

-Ձեզ համար զարմանալի չէր,որ դատավորների կողմից գրեթե արձագանքներ չեղան,երբ իրենց հազար ու մի բաների մեջ մեղադրեցին, նաև ասացին,որ պատերի տակ վնգստում են:

-Ես դատավորների փաստաբանը չեմ,չեմ կարծում,որ դատավորները բոլորը իդելական մարդիկ են,սուրբ են,չեմ անդրադառնում հարցի այդ կողմին,եթե ինչ-որ մեղավոր է ,կաշառակեր է եղել,կամ հիմա է,ուրեմն դա այլ մարմինների լիազորությունների շրջանակում է:Քաղաքական գնահատականը հետևյալն է. չի կարելի սեփական ստրուկը դարձնելու համար դատական համակարգը այսպես նսեմացնել,քայքայել,որովհետև դատական համակարգը պետական համակարգերից մեկն է…

-Որը կցված է եղել,ծառայել է նախորդ իշխանություններին:

-Դատական համակարգը չպետք է ծառայի որևէ իշխանության,այլ պետք է ծառայի օրենքին,այսօր էլ դատական համակարգը չպետք է ծառայի Նիկոլին:Եթե երկրի ղեկավեր իրեն հորջորջած անձը սկսում է ասել,որ սա բուդկա է,կա դատավոր ,որն ինձ կարող է ասել ՝ոչ,և այլն,եթե սկսում է քննարկել իր ուժային կառույցների հետ դատավորներին կանչել ,ինչ ասել,որին ինչ պատիժ սահմանել,ազատազրկել,որին չազատարզկել,սա իհարկե ցիրկ էլ չէ,սա մի բարդակ է երկրում և այդ բարդակը սարքել են այն մարդիկ,ովքեր զավթել են իշխանությունը:

-Վենետիկի հանձնաժողովի արձագանքից հետո ոմանք ասացին,որ իրենց վրա տղա են բերել,մյուսներն ասացին,որ իրենք մեզ հետ համակարծիք են,աջակցելու են:

-Տղա բերելու գաղափարը ցույց է տալիս,որ մեր նոր իշխանությունները այդպես էլ չկտրվեցին փողոցից,նրանց մոտ ամեն ինչ փողոցի հետ է կապված՝փողոցը փակենք,փողոցում ցույց անենք ,փողոցում հու- հու անենք,դմփ- դմփ անենք,իրենց մոտ այդ փողոցային մտածելակերպն անդրադառնում է ողջ քաղաքական մտածողության վրա:Դրա համար տղա բերելը այդ մտածելակերպի արտացոլումն է:
Վենետիկի հանձնաժողովի եզրակացության,գնահատակաի մասին ասեմ,որ հասականլի է,որ այդ գնահատականը խայտառակ արեց այն մարդկանց ,ովքեր նախաձեռնել էին դատարաններ շրջափակելը,դատավորներին ճնշելը և այլն:Ասվեց,որ ընկերներ,այդպես չի կարելի,այդպես չի արվում քաղաքակիրթ երկրներում,իսկ հակաքաղաքակիրթ երկրներում կարելի է միանգամից գնալ և այդ դատավորներին ուտել,խժռել,բայց այսպիսի բաներ ոչ ոք չի անում:Հետևաբար,իհարկե,կարծում եմ հիմա գոնե պետք է սթափվեին,բայց տեսնում եմ,որ չեն սթափվում,անգամ այդ եզրակացությունը ,որը ապտակ էր այս նորելուկ գործիչներին, կլինեն հաջորդ ապտակները ,որովհետև այս առաջինից գլուխ չհանեցին:

-Մամուլում հրապարակում եղավ,որ եվրոպական կառույցների հետ պայմանավորվածություն կա,որ իրենք աչք են փակելու ամեն ինչի վրա,դրա դիմաց պետք է այսօրվա իշխանությունը անցկացնի Ստամբուլյան կոնվենցիան:Հնարավոր համարո՞ւմ եք ,և ինչպես պարոն Ջհանգիրյանն ասաց՝կողքից նոր Սահմանդրական դատարան կձևավորենք,դատավորներ կընտրենք,և կյանքի կկոչենք:

-Դա հնարավոր է,որ Ստամբուլյան այդ հակաազգային,հակահայական կոնվենցիան անցկացնելու համար շատ բան այս իշխանություններին կարելի է ներել,ի վերջո, երբ սրանք նոր -նոր էին զավքում այդ աթոռները,ես նշեցի,որ խնդիրն է ունենալ 3 շատ բացասական հետևանք Հայաստանի համար՝Արցախի հարցում, այսպիսի Ստամբուլյան կոնվենացիաներ,այսինքն՝հայկական ազգային արժեհամակարգի դեմ ,հաջորդը արտաքին քաղաքականության մեջ Ռուսաստանի հետ հարաբերությունների ոչնչացումը,ի վերջո ռուսական ռազամաբազայի դուրս բերելը:Այս ճանապարհը հաջողությամբ հարթվում է և Ստամբուլյան կոնվենցիան այդ նպատակներից մեկն է:Իհարկե կգտնվեն մարդիկ,ովքեր կփորձեն առևտրի մեջ մտնել,մենք փակում ենք աչքերը ձեր անօրինականությունների,հակաժողովրդարավարական գործընթացների վրա,իսկ դուք անց եք կանցնում այն հակապետական օրենքները կամ կոնվենցիաները,միջազգային ինչ-որ պայմանագրերը,որոնք մեզ պետք են,որպեսզի ձեզ ստրկացնենք,ձեզ դարձնենք այնպիսին,ինչպիսին մենք ենք ուզում տեսնել՝ոչ մի ազգային հպարտություն,ոչ մի ազգային պատկերացում,ոչ մի ազգային արժեք:
Հնարավոր է,որ կգտնվեն մարդիկ,ովքեր մինչև վերջ կասեն,որ այն,ինչ տեղի է ունենում Հայաստանում, դա իշխանության բռնազավթում է հակաազգային նպատակներով:

-Երկար ժամանակ եղել եք ԱԺ-ում,ՀՀԿ անդամ,պատգամավոր ,երբ ԼԳԲՏ համայնքի ներկայացուցիչը եկավ խոսելու ,միանգամից իշխանությունից արձագաններ եղան՝ հարցրեք,թե ով է իրենց անձնագիր տվել, ՀՀԿ-ի իշխանության եղած տարիներին նա անձնագիր է ստացել, Ստամբուլյան կոնվենցիայի մասով ևս ասում են,որ նախորդ իշխանություններն են ստորագրել,և հնարավոր է հետագայում վավերացնեին:

-Նախ,եթե նախորդները վատն էին,ներկաները ոնց որ եկան փողոցները փակեցին,գոռգռացին,որ լինեն ավելի լավը,իբր այդպես պետք է լիներ:Հաջորդը ՝մի բան է քաղաքացուն տալ անձնագիր,անգամ ,եթե այդ քաղաքացին անհասկանալի սեռի է,մի բան է այդ քաղաքացուն թույլ տալ,որ նա գա ԱԺ և քարոզի հակաբարոյական ինչ-որ բաներ:Սրանք տարբեր բաներ են,բնական է քաղաքացին քաղաքացի է,ինքն է որոշում,թե ինչ սեռի է ,ինչ անուն ունի:

-Հարց ուղղեց՝մարդ է,թե՞ ոչ:

-Երբ որ նա քարոզում է…ասենք ,թե հիվանդ մարդ է,հիվանդին չես կարող մերժել անձնագիր փոխել,կամ տալ,բայց հիվանդին բերել,որ նա քարոզի իր հիվանդությունը,այդպիսի կերպարը որպես մարդու կերպար,դրանք լրիվ տարբեր բաներ են,պետք չէ դրանք համեմատել:Ես լինեի այդ անձնագիրն էլ չէի տա:
Ստամբուլյան կոնվենցիայի ստորագրման մասին.ես հիացած չեմ,որ դա ընդհանրապես ստորագրվել է,ես գտնում եմ,որ դա ճիշտ քայլ չէ,թե ինչ ճնշումների պայմաններում է դա եղել:Կարևորը ոչ թե ստորագրելն է ,այլ վավերացնելը,քանի որ այն գործողության,ուժի մեջ է մտնում վավերացնելուց հետո: Վստահ եմ ,որ Հանրապետական կուսակցությունը չէր վավերացնի դա,կոնկերտ մեր կուսակցությունը, անկախ ամեն ինչից,լինելու էր դեմ,ինչպես դեմ էինք մի շարք օրենքներին,որոնց ՀՀԿ-ն կողմ քվերակեց,մենք՝դեմ:

-Բաներ կան,որ ժառանգություն են ստացել:

-Այսօր կա կոնկրետ քաղաքական նպատակահարմարության իրավիճակ, կարելի է ինչ-որ բան անել,որը չի բերում օրենսդրական հետևանքեր,իրավական հետևանքներ,օրինակ ստորագրությունը իր հետևից չի բերում օրենսդրական և իրավական հետևանքեր,վավերացումը բերում է,կարելի է ստորագրել և 100 տարի չվավերացնել,հարցը չդնել վավերացման:

-Վստա՞հ եք,որ նորից ինչ-որ խաղերի մեջ չէր մտնի ՀՀԿ-ն:

-Ես ենթադրություններով չեմ զբաղվի, երբ դա ստորագրեվել է,կարող էր հաջորդ օրն էլ բերվեր և վավերացվեր ,չի բերվել,դա փաստ է,եթե նույնիսկ բերեին,չէր անցնի:

-Վերջերս շատ է խոսվում Սորոսի գործունեության կործանարար ազդեցության մասին,դուք դրա մասին տարիներ շարունակ գրել եք:Կան մի շարք դեմոկրատական երկրներ,բացի այն,որ հրապարակային բանավեճի մեջ են,մերժում ,հերքում,դատապարտում են Սորոսի գործողությունները,այդ թվում ԱՄՆ այսօրվա ղեկավարությունը,Ավստիայում խնդիրներ եղան,ընդհուպ մինչև այն,որ ասացին,որ կփակենք այդ կազմակերպությունները:Տարիներ շարունակ դուք ասում եք ՝ազգակործան քաղաքակնություն են վարել այդ կազմակերպությունները,ի՞նչ էին մտածում իշխանությունները,որ բոլորին թույլ էին տալիս,բաց էր ամեն ինչ :

-Դռները բացվել են այն ժամանակ,երբ Սովետական միությունը քայաքայվեց,և դրա փոխարեն մենք ունեցանք բաց դռների քաղաքաանություն ի դեմ Լևոն Տեր-Պետրոսյանի :Այդ ժամանակվանից Հայաստան ներթափանցեցին բոլոր տեսակի աղանդները , փոքրամասնությունները,բոլոր տեսակի սորոսական և դրա նման կառուցները,որոնք այս կամ այն նաև հատուկ ծառայությունների հետ կապ ունեին: Դրա համար հարցադրումը պետք է ճիշտ տալ՝ով բացեց դռները :
Արդյոք այդ կազմակերպություններին հաջովեց այն ժամանակ զբաղեցնել պետական բարձր պաշտոններ և սկսել տիրապետել իրավիճակը երկրում՝ոչ:Այն ժամանակ,երբ փոխվեց իշխանությունը,եկավ Ռոբերտ Քոչարյանը ,հետո Սերժ Սարգսյանը,այդ թվում 30 տարվա քաղաքական գործունեությունից 6 տարի համագրոծակցել ենք Հանրապետական կուսակցության հետ որպես քաղաքական ֆրակցիա,այդ ժամանակ նրանցից ոչ ոք չեկավ իշխանության,ոչ ոք չգրավեց ԱԱԽ քարտուղարի ,կամ որևէ նախարարի,փոխնախարարի,խորհրդականի պաշտոն:Այդ դռներ բացելը եղավ այս վերջին խայտառակ իշխանափոխությունից հետո,երբ Նիկոլը իսկապես կառավարության,ԱԺ-ի դռները բացեց,ՀՔԾ-ի պետի,խորհրդականների առաջ:Եթե դուք գտնում եք,որ մենք պետք է արգելեինք Ազատություն ռադիոկայանը,այո,պետք է արգելեինք,ինչպես օրինակ ինքնիշխան մի շարք երկրներ արգելել էին:

-Այսօր,թե՞ երեկ:

-Ոչ այսօր,ես ժամանակին ԱԺ ամբիոնից եմ ասել,որ դա ոչ թե խոսքի ազատություն է,այլ մեր ազգային անվտանգությանը սպառնացող ,այլ երկրի կողմից ֆինանսավորվող ռադիոկայան է,որը սղոցում է մեր երկրի ինքիշխանությունը:Թեկուզ նույն Սորոսի հիմնադրամը,որը պետք էր արգելել,մի շարք հկ-ներ,որոնք վտանգում էին մեր ազգային անվտանգությունը:

Մեծամասնության մոտեցումը մի քիչ ավելի լիբերալ էր,այդպիսիներին թույլ էին տալիս ազատորեն ամեն ինչ անել,ոչ ոք ամբոինից չէր ասում ՝ոչ ոքի մտքով չանցնի,որ հանկարծ իմ դեմ խոսի,ոչ ոք չէր ասում,որ ես տանկերի թրթուռների տակ կճզմեմ ընդդիմությանը,չէին ասում պատերին կծեփնեք,ասֆալտին կֆռենք:

-Չէին ասում,բայց անում էին:

-Ոչ էլ անում էին,չկար փաստ:Ասելը հեշտ է,բայց ապացուցել է պետք,եթե երկրի ղեկավարը,ոստիկանապետը նման հայտարարություններով են հանդես գալիս,ես չեմ հասկանում,թե նրանք ում հետ են խոսում:ՀՀ քաղաքացիների հետ նման տոնով,նման խուժան լեքսիկոնով խոսել չի կարելի,ինչ է նշանակում,ո՞ւմ հետ եք այդպես խոսել,մեր ժողովրդի՞:Եթե դուք ասֆալտին փռող եք,օլիգարխներին փռեք,փողերը մուծվել են ձեզ,դրել եք գրպանը,մատ եք թափ տալի՞ս:

-Թիկնապահներին փռեցին:

-Մի երկու թիկնապահ փռեցին,թող օլիգարխներին փռեն:

-Սերժ Սարգսյանն էլ ասաց՝խիարը թարս է բուսնում,իյա,իրոք:

-Դրանք նույն բաները չեն, տարբեր ոճի մեջ են,մի տեղ կա սպառնալիք բոլոր քաղաքացիներին,որ մենք կճզմենք տանկերի թրթուռների տակ:Ոստիկանապետը,երբ նման բան է ասում,ո՞ր օրենքում է կարդացել,որ կա ասֆալտին փռելու մասին դրույթ,այլ բան է,եթե այդ պահին հանցագործին ձերբակալելու համար,կալանքի տանելու համար պետք է ինչ-որ ուժային գորոծղություն,դա կա օրենքում.ի՞նչ է սա,ու՞մ վրա եք մատ թափ տալիս: Փռող էիք այն ժամանակ փռեիք, երբ Սասնա ծռերը ձեզ էին փռում:

-Ասում էին՝Նիկոլին տարեք այսինչ տեղը:

-Նիկոլի չէ,ոստիկանապետի մասին եմ ասում :

-Սերժ Սարգսյանը այն ժամանակ իրեն նման թևեր չէր տալիս,հիմա Նիկոլ Փաշինյանը տալիս է:

-Կամ փռող էիք,այն ժամանակ փռեիք,երբ տրանսգենդերները մտան Կենտրոնի ոստիկանություն:Մատ եք թափ տալի՞ս մեր քաղաքացիների վրա,դրա համար եք զավթե՞լ իշխանությունը:Դրա համար մենք շատ տեսնում ենք ,թե ինչը ինչպես է,մտահգոված ենք ,որ մեր երկրում ձևավորվում է շատ վտանգավոր խունտա՝ հակաազգային,հակաժողովրդավարական,հայահայկական,հակաքրիստոնեական :Այդ խունտայի գործունեությունը կբերի հայկական պետականության ոչնչացման :

-Իրենք այնպիսի համոզմունք ունեն,որ ժողովուրդը այնքան լցված է նախորդներից,որ իրենց թույլատրված է մեծ չափաբաժին ՝ասֆալտին փռելու,խուլիգաններ կոչելու,բուդկաներ անվանելու ,երբ ուզեն ձերբակալելու,ազատ արձակելու,քրեական գործը իրենց ուզածով տանելու:

-Եթե իրենք համարում են ,որ նրանք ավելի լավն են և եկել,են,որ այդ վատ երևույթները դադարեցնեն,ուրեմն պետք է իրենց ավելի լավ դրսևորեն,բայց դրևորում են ավելի վատ:Սրանք քանի որ շատ երիտասարդ են և անկիրթ,պետք է իրենց խորհուրդ տամ կարդալ իմ գիրքը՝30 տարի պատնեշի վրա,որտեղ գրված է,թե ինչպես Լևոն Տեր -Պետրոսյանը սկզբում ուներ 90 տոկոսից ավելի համակրում երկրում և ընդամնեը երկու տարվա մեջ դարձավ գրեթե 0:

Շարունակությունն՝այստեղ

Հարցազրույցը՝Նաիրա Բաղդասարյանի