Տանկեր, որոնց թրթուրների տակ ինչ-որ ընդդիմադիր երեւույթներ են ճզմվել, չեն եղել.Փաշինյանի հերթական սուտն է.Վիկտոր Սողոմոնյան (video)
«Ռոբերտ Քոչարյանին առաջադրված մեղադրանքը երբեւէ չի պարզաբանվել: Գործում առկա անորոշ ձեւակերպումները երբեք չեն հստակեցվել ոչ քննիչների, ոչ դատախազների կողմից: Մենք հարցնում ենք՝ կոնկրետ ասեք, թե Ռոբերտ Քոչարյանի որ գործողությունների համալիրի միջոցով է տապալվել սահմանադրական կարգը եւ որ հոդվածներն են դա սահմանում: Որ հոդվածով է սահմանված որ մեղքը: Եթե ինձ մեղադրում են մարդասպանության մեջ, ինձ պետք է ասեն, որ դու գացիր, այս բութ գործիքը վերցրեցիր, խփեցիր ինչ-որ մեկի գլխին, նա մահացավ: Այս դեպքում ոչ մի պարզաբանում չկա, ուղղակի ասում են՝ տապալել է սահմանադրական կարգը»,-լրագրողների հետ հանդիպման ժամանակ նշեց ՀՀ երկրորդ նախագահի գրասենյակի ղեկավար Վիկտոր Սողոմոնյանը:
«Շատ է նշվում զինված ուժերի ապօրինի օգտագործման մասին: Նախ ԶՈՒ օգտագործումը բացարձակապես օրինական է, եւ դա մեկ անգամ չէ, որ ապացուցվել է եւ հրապարակային դատավարության, եւ տարբեր բանավեճերի ընթացքում: Եթե նույնիսկ համարենք, որ զինված ուժերն օգտագործել է ոչ օրինական կերպով, ապա որեւէ օրենք, Սահմանադրության որեւէ նորմ չի մատնանշում, որ դա նշանակում է սահմանադրական կարգի տապալում:Տանկեր, որոնց թրթուրների տակ ինչ-որ ընդդիմադիր երեւույթներ են ճզմվել, քաղաքում ընդհանրապես չեն եղել: Սա Նիկոլ Փաշինյանի հերթական սուտն է:»,-ասաց Սողոմոնյանը:
«Գործադիր եւ օրենսդիր իշխանության կողմից գործադրվել են բացահայտ ճնշումներ նախագահ Քոչարյանին կալանքից ազատած դատավորներ Ազարյանի եւ Գրիգորյանի նկատմամբ: վերջինիս նկատմամբ քրեական հետապնդում է իրականացվում: Սա ընդհանրապես խայտառակություն է, որ երբեւէ չի եղել Հայաստանում:
Եվ վերջապես, մեր պատմության մեջ առաջին անգամ հնարավորություն չի տրվել պաշտպանական կողմից ելույթ ունենալ:
Այս մեկ տարում բազմաթիվ նոր երեւույթներ են եղել, օրինակ զանգովի արդարադատություն, դատավոր Հրաչ, որ մեր օրերի հերոսն է եւ ունի բազմաթիվ գործընկերներ, ցավոք սրտի:
Ունենք Սիլվա Համբարձումյանի գործը, որ սկզբում ասաց փողը տվել եմ, հետո ասաց՝ չեմ տվել, հետո ասաց՝ ուրիշին եմ տվել: Ունենք Վահան Շիրխանյանի բաց նամակը, որ տեսան մարտի 1»-ը չի ստացվում, փորձեցին հոկտեմբերի 27-ը կապել ինչ-որ ձեւով, որը եւս չստացվեց»,-հայտարարեց երկրորդ նախագահի գրասենյակի ղեկավարը:
Հետևեք մեզ Viber-ում
