Ողբերգական ավտովթար Գեղարքունիքի մարզում․ 30-ամյա վարորդը VAZ 21014-ով, կողաշրջված վիճակում, հայտնվել է ձորում․ կա 1 զոհ, 1 վիրավոր

Այսօր, հուլիսի 26-ին ողբերգական ավտովթար է տեղի ունեցել Գեղարքունիքի մարզում։ Ժամը 02։10-ի սահմաններում Գավառ քաղաքի բնակիչ 30-ամյա Հովիկ Դադոյանը իր վարած VAZ 21014 մակնիշի 35 MD 139 համարանիշի ավտոմեքենայով Սևան-Մարտունի-Գետափ ավտոճանապարհի 33 կմ հատվածում դուրս է եկել ճանապարհի երթևեկելի գոտուց և կողաշրջված վիճակում հայտնվել ձորում։ Ինչպես հայտնում է ֆոտոլրագրող Գագիկ Շամշյանը, վթարի հետևանքով վարորդ Հ․ Դադոյանն ու նրա ուղևոր Գավառ քաղաքի բնակիչ 46-ամյա Արտակ Իսպիրյանը մարմնական վնասվածքներով տեղափոխվել են Գավառի բժշկական կենտրոն։ Դեպքի վայր են ժամանել Ճանապարհային ոստիկանության 2-րդ սպայական գումարտակի 4-րդ վաշտի 1-ին դասակի ծառայողները վաշտի հրամանատար Էդգար Սուսլիյանի գլխավորությամբ։ Տեղում հետաքննչական աշխատանքները ղեկավարել է նույն վաշտի հետաքննիչ Ներսես Գրիգորյանը։

Գ․ Շամշյանի տեղեկություններով՝ Ն․ Գրիգորյանի կողմից նախապատրաստված նյութերը փոխանցվել են Հայաստանի քննչական կոմիտեի Գեղարքունիքի մարզային քննչական վարչություն, քանի որ ժամեր անց հիվնադանոց տեղափոխված Ա․ Իսպիրյանը, գիտակցության չգալով, մահացել է։