Ջո Բայդենը քննադատել է Իսրայելին
ԱՄՆ փոխնախագահ Ջո Բայդենն կոշ քննադատության է ենթարկել Իսրայելին՝ երկրի վարչապետ Բենյամին Նեթանյահույի կողմից իրականացվող քաղաքականության համար։ Ելույթ ունենալով J-Street կազմակերպության ներկայացուցիչների առջև, Բայդենը խոսել է «հսկայական հիասթափության» մասին, որն այսօր զգում է ԱՄՆ վարչակազմը Նեթանյահույի կառավարության գործունեության պատճառով։ ԱՄՆ-ի փոխնախագահը, մասնավորապես, քննադատել է իսրայելական կառավարության քայլերը ուղղված պաղեստինյան տարածքներում նոր հրեական բնակավայրեր կառուցելուն։ ԱՄՆ փոխնախագահի կարծիքով, այդ քայլերը «Իսրայելին տանում են սխալ ուղղությամբ»։ Բայդենը քննադատել է նաև Պաղեստինի ղեկավարությանը՝ մեղադրելով խաղաղ կարգավորմանն ուղղված բանակցային վերջին փուլը ձախողելու մեջ։ Իսրայելի հետ հարաբերությունների թեման հաճախ է բարձրացվում հանրապետականների կողմից ԱՄՆ-ում ընթացող նախընտրական հանդիպումների ժամանակ։ Հանրապետական կուսակցությունը Օբամայի վարչակազմին մեղադրում է հրեական պետության անվտանգությանը ոչ բավարար չափով նպաստելու մեջ։ Իսրայելին աջակցելու վերաբերյալ հայտարարում է նաև դեմոկրատների առաջատար թեկնածու Հիլարի Քլինթոնը։ Քլինթոնի մրցակից Բերնի Սանդերսը աջակցող հայտարարություններին զուգահեռ նաև քննադատում է Նեթանյահույի կառավարությանը։
Հետևեք մեզ Viber-ում
