Մանվել Գրիգորյանի և Նազիկ Ամիրյանի գործով նիստն ընդմիջվեց. Մանվել Գրիգորյանին դատարան չէին բերել (video)
Ազգային ժողովի նախկին պատգամավոր, գեներալ Մանվել Գրիգորյանի և նրա կնոջ՝ Նազիկ Ամիրյանի գործով այսօրվա նիստն է,որին ներկա չէ Մանվել Գրիգորյանը:
«Նաիրի» բժշկական կենտրոնից փաստաթուղթ էր ներկայացվել դատարանին, որտեղ նշված էր, որ մեղադրյալը դատական նիստին չի կարող մասնակցել՝ առողջական խնդիրների պատճառով:
Դատավոր Մնացական Մարտիրոսյանը նշեց, որ դատական նիստին ներկայացել է բժիշկ–փորձագետ, որը պետք է մասնակցի Գրիգորյանի համար նշանակված միջգերատեսչական հանձնաժողովային դատաբժշկական փորձաքննությանը:
Հանրապետական ԲԿ-ի Էնդոկրինոլոգիայի բաժնի վարիչ Լուսինե Մամիկոնյանին հանձնվեց համապատասխան փորձաքննության որոշումը՝ հնարավորություն տալով նրան ծանոթանալ, որից հետո եզրակացություն ներկայացնել:
Կեղծ եզրակացություն տալու դեպքում նախատեսվում է քրեական պատասխանատվություն,զգուշացրեց դատավորը:
Մեղադրող կողմը դատարանից պահանջեց Լուսինե Մամիկոնյանի մասնագիտական գործունեությունը փաստող փաստաթղթեր, որը ներկայացնելու համար դատարանը ընդմիջում հայտարարեց:
Նիստը կշարունակվի 14.30-ին:
Հետևեք մեզ Viber-ում
