Ռուսաստանի նավթային ընկերություններն էժանացել են

Դոհայում բանակցությունների ձախողման մասին լուրերի ֆոնին Ռուսաստանի խոշորագույն վեց նավթային ընկերությունների բաժնետոմսերը 1.3-3.4%-ով էժանացել են: Դրանց ընդհանուր կապիտալը կրճատվել է շուրջ 250 մլրդ ռուբլով: Մոսկովյան բորսայում «Ռոսնեֆթի» բաժնետոմսերը նվազել են 2.8%-ով (ընկերության կապիտալիզացիան կրճատվել է՝ հասնելով 3.19 տրլն ռուբլու): «Լուկօյլն» էժանացել է 3.38-ով (2.32 տրլն ռուբլի), «Սուրգուտնեֆտգազի» սովորական բաժնետոմսերը՝ 3.4%-ով, «Գազպրոմ նեֆթ»-ինը՝ 1.26%-ով, «Բաշնեֆթ»-ի եւ «Տատնեվթ»-ի բաժնետոմսերը՝ համապատասխանաբար, 3.02 եւ 2.93%-ով: Այս մասին գրում է ՌԲԿ-ն: Դոհայում ապրիլի 17-ին նավթ արդյունահանող 18 պետությունների բանակցությունները ձախողվեցին: Դրանց մասնակիցներին չհաջողվեց համաձայնության հասնել նավթի արդյունահանման ծավալների սառեցման շուրջ: