Սանիթեքը չի հավատում Հայկ Մարությանի կարգին պոպուլիզմին

Նախորդ շաբաթ Սիվիլնեթին տված հարցազրույցում Հայկ Մարությանն ասել էր, որ իր հորդորով Սանիթեքը ենթակապալառու ընկերություններ է ներգրավել, որոնք սակայն նախկինում աշխատելով այդ ընկերության հետ գումարները չեն ստացել: Մարությանի ասելով` ինքը կանչել է այդ մարդկանց, համոզել ու խնդրել է, որ համագործակցեն Սանիթեքի հետ, Սանիթեքին էլ հորդորել է կապալառու ընկերությունների փողերը պարտաճանաչ վճարել, որպեսզի աղբահանությունը գոնե որոշ չափով պատշաճ իրականացվի:
Եվ ահա` ի պատասխան այս կարգին պոպուլիզմին` Սանիթեք ընկերությունը հայտարարություն է տարածել, որում, մեղմ ասած, Մարությանին մեղադրել է ստախոսության պոպուլիզմի մեջ:
<<Ի պատասխան մամուլում շրջանառվող տեղեկատվության՝ հարկ ենք համարում նշել, որ «Սանիթեք» ընկերությունը երբևէ չի հրաժարվել վճարել որևէ ենթակապալառուի, մատակարարի կամ աշխատակցի: Ընկերությունը, ինչպես ցանկացած տնտեսվարող սուբյեկտ, ինքնուրույն է տնօրինում իր ֆինանսական ռեսուրսները և ընտրում դրանց ծախսման առաջնահերթությունները:
Այս պահին ընկերությունում առկա են ֆինանսական դժվարություններ, որոնք պայմանավորված են նաև քաղաքապետարանի կողմից կիրառվող չարդարացված ոչ համաչափ սանկցիաներով և չհիմնավորված տուգանքներով>>,- նշված է հաղորդագրության մեջ:
Այսինքն`Սանիթեքը Հայակ Մարության շատ բաց տեքստով ասել է, որ քաղաքապետը մասնավոր ընկերությանը հորդորելու կամ ցուցում տալու լիազորություն չունի: Իսկ եէե շատ է մատածում Սանիթեքին օգնելու և աղբահանության վիճակի մասին, ուրեմն թող տույժեր չկիրառի
Անդրադառնալով այսօր քաղաքապետարանում տեղի ունեցած աշխատանքային խորհրդակցության ընթացքում քաղաքապետի կողմից հնչեցրած այն ձևակերպմանը, որ «աշխարհում չկա այնպիսի մարդ, որը կարող է երևանցիների հետ շանտաժի լեզվով խոսել»՝ ընկերությունը տեղեկացնում է, որ երբևէ ոչ մեկի հետ շատաժի լեզվով չի խոսել և չի խոսում։ Ընկերությունը ենթակապալառուների նկատմամբ վճարային պարտավորություններն այս պահին հնարավորություն չունի կատարել բացառապես քաղաքապետարանի ոչ կառուցողական գործողությունների հետևանքով։
Իսկ ինչ վերաբերվում է քաղաքապետի կողմից հնչեցված հուզական մտքերին, ապա դրանք ավելի են դժվարացնում առանց այն էլ ստեղծված բարդ իրավիճակը և ընկերության բաժնետերերի կողմից նախաձեռնած կառուցողական երկխոսությունը տանում են փակուղի։
Ինչպես և նախկինում տեղեկացրել էինք, առաջիկա օրերին «Սանիթեք» ընկերությունը կհրավիրի աննախադեպ մաշտաբների մամուլի ասուլիս, որի ժամանակ կներկայացվեն բոլոր այն փաստերը, որոնք մինչ այս մնում էին ստվերում` բանակցային գործընթացի շահերից ելնելով: Ասուլիսի ընթացքում ընկերության ներկայացուցիչները կպատասխանեն բոլոր հուզող հարցերին>>,- նշված է հաղորդագրության մեջ:

Հայկ Դավթյան