Ագրեսիան սանձազերծել է Ադրբեջանը. Սեյրան Օհանյան
Լեռնային Ղարաբաղի եւ Հայաստանի պաշտպանության նախարարությունը համապատասխան վերլուծություններ է կատարել եւ դրանց շրջանակներում նշել այն բոլոր խնդիրները եւ պետք է կարողանանք ապացուցել, որ այդ ագրեսիան սանձազերծել է Ադրբեջանը։ Այս մասին այսօր՝ ապրիլի 16-ին ՀՀԿ խորհրդի նիստից հետո լրագրողների հետ զրույցում ասել է պաշտպանության նախարար Սեյրան Օհանյանը՝ անդրադառնալով դինվանագիտական կառույցների հետ իրենց անելիքներին։ «Իրականության մեջ ապացույցներ շատ կան՝ առաջին հերթին՝ ամբողջ շփման գծի երկայնքով հակառակորդի լայնածավալ գործողությունների, ինչպես նաեւ կարճ ժամանակահատվածում ուժերի, ստորաբաժանմումների շարժը։ Հակառակորդի զինծառայողների առկայությունը, որոնք ոչնչացվել են Լեռնային Ղարաբաղի տարածքում։ Նույնն էլ մեր զոհված զինվորների դիերը, որ եղել են Պաշտպանական բանակի դիրքերում»,-ասել է Սեյրան Օհանյանը։ Պաշտպանության նախարարի խոսքով՝ հակառակորդի ոչնչացված ուղղաթիռի անձնակազմի մոտ առկա փաստաթղթերը եւս ապացուցում են, որ նրանց նպատակները մեծ են եղել, ցանկացել են մեծ խորությամբ մխրճվել Պաշտպանական բանակի հատվածը։ «Այս ամենը ներկայացնելու է միջազգային հանրությանը։ Այն բոլոր խոշտանգումների հետ միասին, որոնք որ իրականացվել են Ադրբեջանի զինուժի, մի գուցե՝ վարձկանների կողմից»,- նշել է նախարարը։
Հետևեք մեզ Viber-ում
