Դավիթաշենի միջադեպի մասնակիցներից երեքը վիրահատվել են. նրանց վիճակը կայուն ծանր է

Երեկ Դավիթաշենում տեղի էր ունեցել վիճաբանություն, որի հետևանքով «Արմենիա» բժշկական կենտրոն էր տեղափոխվել 4 անձ։

Բժշկական կենտրոնի վերակենդանացման բաժանմունքից 168.am-ին տեղեկացրեցին, որ իրենց մոտ տեղափոխված անձանցից երեքին վիրահատել են, նրանց վիճակը գնահատվում է կայուն ծանր։ Այլ հարցերի բաժանմունքից չպատասխանեցին։

Հիշեցնենք, որ հունիսի 28-ին, ժամը 23:08-ին Դավիթաշեն 4-րդ փողոցում տեղի ունեցած վիճաբանության հետևանքով բժշկական տարբեր կենտրոններ են դիմել 8 անձ՝ բուժօգնություն ստանալու նպատակով։

Նշենք, որ միջադեպի հետ կապված՝ ոստիկանությունը դեպքի հանգամանքներն ուսումնասիրում է։

Մեր տեղեկություններով՝ վեճը ծագել է կենցաղային պատճառներով, սկզբում՝ երեխաների միջև, որին միացել են մեծահասակները՝ հարթելու նպատակով, սակայն այն վերաճել է սուր վեճի