Նիկոլ Փաշինյանի հարվածը Արցախին

Վերաքննիչ քրեական դատարանը չեղարկեց Ռոբերտ Քոչարյանի խափանման միջոցը փոխելու վերաբերյալ Ընդհանուր իրավասության դատարանի որոշումը, ինչը նշանակում է, որ Ռոբերտ Քոչարյանի  կալանավորում: Միաժամանակ, դատարանը որոշել է, որ պետք է հետ կանչվի նաև գործը Սահմանադրական դատարանից, որտեղ այն ուղարկել էր Ընդհանուր իրավասության դատարանի դատավորը:

Այդպիսով, մի քանի շաբաթ ազատությունից հետո երկրորդ նախագահը դարձյալ կալանավորվում է։ Որքան էլ զավեշտալի է, բայց այդ որոշումը կայացնում է մի դատավոր, որի մասնագիտական ունակությունների վրա զվարճանում են նույնիսկ դատական համակարգում։ Իշխանությունն իր այս քայլով «ոչ» ասաց Արցախի 3 նախագահներին՝ պաշտոնականացնելով հակաարցախյան քաղաքականությունը և «այո» ասելով Բոլթոնի տարածքները հանձնելու ծրագրին։ Բանն այն է, որ Արցախի գործող եւ նախկին նախագահն անձնական երաշխավորություն էին ներկայացրել Արցախի առաջին նախագահ, իրենց ընկեր Ռոբերտ Քոչարյանի կալանքը փոխելու մասին։ Ազատության մեջ էլ Քոչարյանը ըստ ամենայնի չէր արել այնպիսի քայլեր, որոնք հիմք կտային իշխանությանը նրան նորից բանտախուց ուղարկելու։

Իհարկե, ասվածը հարաբերական է, Քոչարյանը, անշուշտ, փախուստի դիմելու փորձեր չէր արել ու միջամտություն չէր գործել դատարանի վրա, հակառակ պարագայում իշխանությունը դա դրոշակ կդարձներ։ Այլ հարց է, որ հենց այդ ընթացքում տեղի ունեցավ Հայաստանում Ռուսաստանի դեսպանի նախաձեռնած հանդիպումը երկրորդ նախագահի հետ, որր պատճառով իշխանությունը ցայտնոտի մեջ հայտնվեց, արհամարհելով դիվանագիտական էթիկան եւ փոխհարաբերությունները դեսպանին կանչեց բացատրություն տալու։ Քոչարյանի վերաբերյալ նման որոշումը նոր անջրպետ է առաջացնելու հայ-ռուսական հարաբերություններում, եւ միգուցե բոլթոնյան ծրագիրը կյանքի կոչելու ճանապարհին իշխանությանը խիստ անհրաժեշտ է բացել այդ անջրպետը։ Պատահական չէ, որ Ռոբերտ Քոչարյանը երեկվա հարցազրույցում էլ խոսեց տեսակետների տարբերությանհ մասին ու նաև դրանով բացատրեց իր և Արցախի դեմ սանձազերծած այս պատերազմը։ Դրա առաջին հրձիգներն արձակվեցին դեռեւս ամիսներ առաջ, Փաշինյանի կամքին «զոհաբերվեցին» բանակի գեներալներ, որոնք պատերազմ են հաղթել՝ Լյովա Մնացականյան, Վիտալի Բալասանյանը եւ այլք։ Նրանց մի մասը հեռացվեց բանակից, տեղափոխվել այլ ոլորտ իսկ մյուսներն ընդհանրապես՝ համակարգից։ Իսկ հարաբերվելու այն ոճը, որն ընտրվել է պաշտոնական Ստեփանակերտի հետ, ուղղակի զարհուրելի է։ Նույնիսկ Արցախը բեռ համարող Լեւոն Տեր-Պետրոսյանի պաշտոնավարման տարիներին չի եղել այնպես, ինչպես այսօր է։ Եւ իշխանությունն այնքան բռնապետ չի եղել, որ ազգայնականները չկարողանային ճեղքել Արցախի շուրջ գցված այդ պատնեշը։

Այս իշխանությունները պարզապես սարսափած են Քոչարյանի քաղաքական ծրագրերից, որի մասին երկրորդ նախագահը նույնպես խոսեց իր հարցազրույցում։ Ինչեւէ, նա արդեն ներկայացել է ԱԱԾ մեկուսարան, որտեղ շենքի դիմաց սպասում էին մեծ թվով համակիրներ․«Կարծում եմ դուք տեսել եք, որ ոչ օրենք կա, ոչ օրինականություն»,- այսպես է արձագանքել երկրորդ նախագահը իրեն կրկին կալանավորելու որոշմանը։

Անի Սահակյան