Լեւոն Ջուլֆալակյանը հրապարակել է Հայաստանի թիմի կազմը

Հունահռոմեական ոճի ըմբշամարտի Հայաստանի հավաքականն այս օրերին հավաք է անցկացնում Երեւանում եւ տարին կմեկնարկի Դան Կոլովի ու Նիկոլա Պետրովի անվան միջազգային 54-րդ մրցաշարով: Հունվարի 29-31-ը Բուլղարիայում կայանալիք մրցաշարում Հայաստանը կներկայացնեն՝ Ռոման Ամոյանը, Նարեկ Խաչատրյանը, Գեւորգ Ղարիբյանը (59 կգ), Միհրան Հարությունյանը (71 կգ), Կարապետ Չալյանը (75 կգ), Մաքսիմ Մանուկյանը, Արթուր Շահինյանը (85 կգ), Արթուր Ալեքսանյանը (98 կգ) եւ Էդգար Խաչատրյանը (130 կգ): Լոնդոնի Օլիմպիական խաղերի արծաթե մեդալակիր, աշխարհի 2014 թվականի չեմպիոն Արսեն Ջուլֆալակյանը կմասնակցի հունվարի 30-31-ը Թուրքիայում կայանալիք Վեհբի Էմրեի եւ Համիդ Քափլանի անվան միջազգային 34-րդ մրցաշարին, հայտնում է ՀԱՕԿ-ի կայքը: Լեւոն Ջուլֆալակյանի գլխավորած թիմի երեւանյան հավաքը մեկնարկել է հունվարի 14-ին եւ կեզրափակվի հունվարի 28-ին: