Մերձավան գյուղը նույնպես միացավ առաջնագծում կանգնած հերոս զինվորներին օգնություն ուղարկողներին. ՖՈՏՈՌԵՊՈՐՏԱԺ

Այս օրերին աշխարհասփյուռ հայությունը, Հայաստանի տարբեր մարզերի բնակիչներ, հասարակական կազմակերպություններ ու անհատներ մեկ բռունցք դարձած թիկունքից սատարում են սահմանում կանգնած հայ առյուծ-զինվորին: Առաջնագծում կանգնած զինվորին, կամավորին աջակցություն ցուցաբերեցին նաև Մերձավան գյուղի բնակիչները՝ գյուղապետ Լևոն Գրիգորյանի և նույն գյուղի միջնակարգ դպրոցի սովորողները՝ տնօրեն Վոլոդյա Մարտիրոսյանի գլխավորությամբ: Նրանք առաջնագծում կանգնած զինվորներին են ուղարկել սնունդ, զովացուցիչ ըմպելիքներ, ծխախոտ, տաք հագուստ, ինչպես նաև դեղորայք և այլ պարագաներ: Վերջիններս այդպես են իրենց զորակցությունը հայտնել հայոց սահմաններն անառիկ պահող զինվորին, սակայն հայտնելով, որ անհրաժեշտության դեպքում իրենք նույնպես կլինեն առաջնագծում և արդեն պրոֆեսիոնալ զինվորների հետ հայոց սահմանները կպահեն այն խախտող ազերի թափթփուկներից: